अन्तरिक्षमा विलाशी होटल बनाउदै रुस

  • admin December 26, 17 1:23 pm
  • Comments
  • 169 Views

एजेन्सी

अमेरिकाको निजी कम्पनीले सामान्य मानिसलाई पनि अन्तरिक्षमा लैजाने योजना बनाउदै गरेको समयमा रुस भने कुनै अपत्यारिलो तर अनौठो काममा जुटेको छ । रुसी स्पेस कम्पनी रोसकान्समस अन्तर्राष्ट्रिय अन्तरिक्ष स्टेसन अर्थात आईएसएसमा एक विलाशी होटल बनाउने तयारीमा जुटेको छ ।
यो होटल बनिसकेपछि जो कोही पनि ४ करोड डलर खर्च गरेर होटलमा एक वा दुई हप्ताका लागि बस्न सक्ने छन् । यसका अतिरिक्त २ करोड डलर दिएर होटलका पाहुनालाई अन्तरिक्ष यात्रीसँग स्पेसवाक गर्ने अवसर पनि मिल्ने छ । पपुलर मेकानिक्समा छापिएको समाचार अनुसार रुसी स्पेस ठेकेदार आरकेकेलाई यो होटलको निर्माणको रणनीति तयार गर्ने जिम्मेवारी दिइएको छ । यो होटल निर्माण गर्नका लागि करिब २७.९ करोडदेखि ४४.६ करोड डलर खर्च हुन सक्ने बताइएको छ ।
यो होटलमा सुत्नका लागि ४ वटा कोठा र यसमा ९ इन्चको झ्याल हुनेछ । यसको साथसाथै होटलमा मेडिकल तथा हाइजिन स्टेसन तथा १६ इन्चको झ्याल भएको लन्ज क्षेत्र पनि हुने छ ।
आजसम्म पनि आईएसएस जानका लागि रुसकै सोयूज यानको प्रयोग गरिदै आएको छ । अमेरिकी अन्तरिक्ष एजेन्सी नासाले पनि आफ्ना अन्तरिक्ष यात्रीलाई यसै यानबाट पठाउदै आएको छ । तर बोइङ तथा स्पेस एक्स जस्ता अमेरिकी कम्पनीले पनि अन्तरिक्ष यान बनाइरहेका छन् । यो सफल भएपछि नासालाई रुसको सोयुजको आवश्यकता पर्नेछैन ।
प्रत्येक वर्ष करिब ६ यात्रुले एक साता अन्तरिक्ष होटलमा बिताएमा कम्पनीले ७ वर्षमा आफ्नो लागत उठाउने बताइएको छ । यो होटल निर्माणका लागि कम्तीमा पनि पाँच वर्ष लाग्ने कम्पनीले जनाएको छ ।

  • न्युज

न्युज

सुन मूल्य तोलामा ३०० रुपैयाँले घट्यो

बिहिबार सुनको मूल्य प्रतितोला ५७ हजार ७०० रुपैयाँ कायम भएको छ । बुधबारको तुलनामा सुन तोलामा...

आज प्रधानमन्त्री ओली र चिनियाँ समकक्षीबीच भेटबार्ता

चीन भ्रमणमा रहेका प्रधानमन्त्री केपी ओलीले आज बिहीबार समकक्षी चिनियाँ प्रधानमन्त्री लि खछ्याङसँग भेटवार्ता गर्ने भएका...

आज प्रदेश नं ५ मा बजेटमाथिको सैद्धान्तिक छलफल सकियो

प्रदेश नं. ५ मा आव २०७५÷०७६ का लागि राजश्व र व्ययको अनुमान बजेटमाथिको सैद्धान्तिक छलफल आज...

हिजोदेखि जनरल ईन्स्योरेन्सद्धारा कारोबार सुरु

नेपाली बीमा बजारमा नयाँ ईन्स्योरेन्स कम्पनी जनरल ईन्स्योरेन्स कम्पनी नेपाल लिमिटेडले आफ्नो कारोबार सुरु गरेको जनाएको...

काठमाडौंको न्यूरोडमा ओम डेभलपमेन्ट बैंकको शाखा विस्तार

काठमाडौंको न्यूरोडमा ओम डेभलपमेन्ट बैंकको शाखा विस्तारमा ल्याएको छ । नेपाल राष्ट्र बैंकका डेपुटी गभर्नर शिवराज...