गोरखाको बसपार्कमा आइल्याण्ड बन्ने

  • admin May 2, 18 9:54 am
  • Comments
  • 22 Views

ऐतिहासिक गोरखा संग्राहालयको काखमा रहेर पनि अत्यन्त फोहोर र अब्यवस्थित रहेको पुरानो बसपार्कमा आइल्याण्ड बन्ने भएको छ । गोरखा नगरपालिकाको लगानीमा बसपार्कमा आइल्याण्ड बन्नलागेको नगरप्रमुख राजनराज पन्तले बताएका छन् ।
‘बसपार्क अत्यन्त फोहोर र अब्यवस्थित भयो, यसलाई कसरी ब्यवस्थित बनाउने भनेर हामीले अध्ययन गर्याैँ, सबैसंग छलफल गर्याैँ, अनि आइल्याण्ड निर्माणको प्रक्रिया अघि बढायौ’ ।
बसपार्क क्षेत्रमाअब्यवस्थित ढंगले सवारी पार्किङ बढेको र फोहोर मैला फाल्ने क्रम बढेपछि नगरपालिकाले सो क्षेत्रलाई ब्यवस्थित बनाउन लागेको जनाएको छ । ‘बसपार्क क्षेत्र त डम्पिङ साइट जस्तो पो भयो, सबैले फोहोर ल्याएर फाल्ने, राती दिशापिसाव गरिदिने, अनि गाडीहरु पनि सबै अस्तब्यस्त तरिकाले राखिदिने, अब यो सब रोकिन्छ, हेर्न लायक बन्छ’ नगरप्रमुख पन्तले भने ।
हाल अस्तब्यस्त राखिने गरेका सवारी साधनहरु समेत यस क्षेत्रबाट हटाइने नगरप्रमुख पन्त बताए । अब्यवस्थित पार्किङले संग्राहालय र गोरखा दरबारको समेत सौन्दर्य बिगारेको उनको भनाई छ । ‘बसपार्कबाट माथी हेर्यो म्युजियम पनि छेक्किन्छ, दरबार पनि नदेखिने, जताततै फोहोरका डंगुरै डंगुर, यसले त गोरखाको परिचय नै बिगार्यो, अब बसपार्क बस स्ट्याण्ड हुन्छ, सबै बस यहाँ पार्किङ गर्न पाइदैन’नगरप्रमुख पन्तले भने ।
नगरपालिकाको करिब ७लाखलगानीमाबन्नलागेको आइल्याण्डका पहिलो चरणको काम सुरु भइसकेको छ । पहिलो चरणमा खाल्डो खन्ने, खम्बा गाढ्ने लगायतकाकाम सक्किएको नगरपालिकाले जनाएको छ । यस चरणमा आइल्याण्डमा दुबो लगाउने, आकर्षक लाइट जडान गर्ने, कम्पाण्डिङ गर्ने लगायतकाकामगरिने बताइएको छ ।
यसले जिल्लाको पर्यटन क्षेत्रमा समेत टेवापुग्ने बिश्वास लिइएको नगरप्रमुख पन्त बताए । ‘गोरखा भनेको ऐतिहासिक जिल्ला हो, यहाँ धेरै बाहिरका मान्छे आउँछन्, बसपार्कमा ओर्लने बित्तिकै मान्छेले जे देख्छन् त्यसले उसलाई भित्रि छाप पारेको हुन्छ, आशा छ अब आइल्याण्ड बनेपछि जिल्लाको पर्यटकिय क्षेत्रमा समेत मद्धत पर्याउँछ’ ।

  • न्युज

न्युज

लञ्चपूर्वनै लिक भए आइफोन एटको विशेषता

आइफोन एट बजारमा आउनुभन्दा पहिले नै लगभग सबै विशेषताबारे खुलासा भइसकेको छ । यो मोडललाई कम्पनीले...

सुनको मूल्य बढ्यो

आइतबार सुनको मूल्य प्रति तोलामा ३०० रुपैयाँले बढेको छ । आज छापावाला सुन तोलामा ५८ हजार...

मन्त्रिपरिषद बैठक बस्दै

एमाले र माओवादी एकीकरण भएपछि नेपाल कम्युनिष्ट पार्टीे आज पहिलो पटक मन्त्रिपरिषद बैठक बस्दैछ । बैठक...

पूर्वी नवलपरासीमा नेपालकै सबैभन्दा ठूलो सिमेन्ट उद्योग होङ्सी शिवम स्थापना

पूर्वी नवलपरासीमा स्थापना भएको नेपालको सबैभन्दा ठूलो सिमेन्ट उद्योगले व्यावसायिक उत्पादन थालेको छ । नेपालको शारदा...

पहिरो पन्छाएपछि सडक दुईतर्फी सञ्चालन

पहिरो पन्छाएपछि नारायणगढ–मुग्लिन सडक दुईतर्फी सन्चालनमा आएको छ । आइतबार बिहान ५ः३० बजे इच्छाकामना गाउँपालिका–६, कालीखोलामा...