चर्किँदैअमेरिका –चीन व्यापारयुद्ध, यस्तो योजना अमेरिकाको

  • admin July 11, 18 9:31 am
  • Comments
  • 40 Views

(एजेन्सी)

चीन र अमेरिकाको बीचमा जारी व्यापारयुद्धले ठुलो रुप लिनसक्ने देखिएकाे छ । अमेरिकाले थप दुई खर्ब अमेरिकी डलरबराबरको चिनियाँ सामग्रीहरुमा आयात कर बढाउने तयारी गरेको हो । आगामी सेप्टेम्बरबाट कार्यान्वयन गर्ने गरी अमेरिकाले चिनियाँ सामग्रीहरुको सूची तयार पारेको हो ।

दुवै मुलुकहरुले एकअर्काका विरुद्धमा ३४ अर्ब डलरबराबरको सामग्रीहरुमा कर लगाउने निर्णय कार्यान्वयन गरेसँगै अमेरिकाले यस्तो तयारी गरेको हो । चीनले पनि अमेरिकाको कर बढाउने निर्णयको विरुद्धमा जवाफी कर बढाएको अवस्थामा थप सामग्रीहरुमाथि कर बढाइने चेतावनी अमेरिका राष्ट्रपति डोनाल्ड ट्रम्पले दिँदै आएका थिए ।

अहिले अमेरिकाले तयार पारेको सूचीमा छ हजार सामग्रीहरु रहेका छन् । जसमा खाद्यान्नका उत्पादनहरु, पौष्टिक आहारहरु र उपभोग्य सामग्रीहरु रहेको बताइएको छ ।

अगष्ट महिनाको अन्तिमसम्मको अवधिमा यो सूचीको विषयमा मानिसहरुको राय बुझ्ने काम हुनेछ र त्यसपछि १० प्रतिशतको कर बढाउने योजना कार्यान्वयनमा आउने बताइएको छ ।

अमेरिकाको यस किसिमको तयारी सार्वजनिक भएसँगै एसियाको सेयर बजारमा उल्लेख्य गिरावट आएको पाइएको छ । विश्वका ठुला दुई अर्थतन्त्र बोकेको मुलुकहरुको बीचमा देखिएको यस किसिमको तनावले विश्व बजार नै प्रभावित हुने अनुमान गरिएको छ ।

अमेरिकाको राष्ट्रपतिको कार्यालयले अहिले तयारी गरिको कर बढाउने निर्णय चीनले गरेको पक्षपाती व्यापारको जवाफ रहेको बताएको छ ।
चीनसँगको व्यापारको क्रममा अमेरिकालाई न्याय नभएको कारण यस किसिमको कर बढाउने योजना ल्याउनका लागि आफूहरु बाध्य भएको अमेरिकी अधिकारीहरुले बताएका छन् ।

गत शुक्रबारदेखि दुवै मुलुकहरुले दुवै मुलुकबाट आयात हुने ३४ अर्ब डलरका सामग्रीहरुमा कर बढाउने निर्णय गरेका थिए । अहिले अमेरिका थप १६ अर्ब डलरका सामग्रीहरुमा कर बढाउने विषयमा छलफलको क्रममा रहेको छ । १६ अर्ब डलरका सामग्रीहरुमा कर बढाउने निर्णय भने यस महिनाको अन्तिमबाट कार्यान्वयनमा आउने बताइएको छ । अघिल्लो वर्षको विवरणअनुसार अमेरिकामा पाँच खर्बभन्दा बढी चिनियाँ सामग्रीहरु आयात हुने गरेको छ ।

 

  • न्युज

न्युज

ट्रम्प पुटिनको पक्षमा आफ्नै देशको गुप्तचर संस्थालाई छाडे -एफबीआईले सार्वजनिक गरेको विवरण गलत

कुनै मुलुकको राष्ट्रप्रमुखका लागि आफ्नो देशको गुप्तचर विभाग निकै महत्वपूर्ण हुन्छ । यद्यपि अमेरिकी राष्ट्रपति डोनाल्ड...

कतार एयरवेजद्वारा २०१८ फिफा विश्वकप विजेता फ्रान्सलाई बधाई

फिफाको आधिकारिक पार्टनर तथा आधिकारिक एयरलाइन कतार एयरवेजले २०१८ फिफा विश्वकप रुसको विजेता फ्रान्सलाई उत्कृष्ट विजयको...

नबिल बैंकका एकैपटक १२ नयाँ शाखा संचालनमा

नबिल बैंकले एकै पटक १२ वटा शाखा संचालनमा ल्याएको छ । बैंकले कर्णाली प्रदेश तथा प्रदेश...

पत्रकारलाई भत्ता,प्रेस काउन्सिल खारेज हुने

सरकारले जेष्ठ पत्रकारहरुको जीवन निर्वाह भत्ताका लागि अक्षयकोष स्थापना गरेको छ । साथै सरकारले प्रेस काउन्सिललाई...

तनहुँको ऐतिहासिक नगरी बन्दीपुरमा केबुलकार निर्माण गरिने

तनहुँको ऐतिहासिक नगरी बन्दीपुरमा केबुलकार सञ्चालन गरिने भएको छ । आर के बी रियल स्टेट एण्ड...