रुसको स्पेनबिरुद्ध वास्तविक परीक्षा

  • admin July 1, 18 5:42 am
  • Comments
  • 31 Views

सन् २०१० को विश्व विजेता स्पेनले समूह चरणमा आश्चर्यजनक रुपमा इरान र मोरक्कोबिरद्ध संघर्ष गर्नुपरेको थियो । मोरक्कोसँगको खेलमा डेभिड डि जियाको गम्भीर त्रुटी गरे पनि डिएगो कोष्टाले स्पेनको उद्धार गरेका थिए । स्पेनिस टोलीमा इस्को असाधारण देखिन्छन् । र, यही स्पेनले घरेलु टोली रुससँग लुज्निकी रंगशालामा प्रतिस्पर्धा गर्दैछ ।

यता सुरुआती दुई खेलमा साउदी अरव र इजिप्टबिरुद्ध शानदार देखिएको रुसले आफ्नो वास्तविक परीक्षा अर्थात उरुग्वेबिरुद्धको खेलमा खरो उत्रन सकेन । विशेष गरी टिममा त्यस्ता जिम्मेबार प्रतिभा देखिएनन् जसले दवाव थेग्न सकुन् ।

रुसका स्ट्राइकर अर्तिम ज्युवाले स्पेनबिरुद्धको अन्तिम १६ को स्पर्धा सुरु हुनुअघि भनेका छन् कि आफ्नो टोली विश्वकप यात्रामा साहसी अण्डरडगको रुपमा प्रस्तुत हुनेछ । ज्युवा स्टानिलाभ चर्चेसोभको टोली रुसका मुख्य हतियार हुन्, जसले पहिलो खेलमा साउदी अरव र दोस्रो खेलमा इजिप्टबिरुद्ध गोल गरेका थिए । समूह चरणको अन्तिम खेलमा उरुग्वेसँग ३–० ले पराजित भएपछि अगाडिका खेलहरुमा रुसको उत्साह कमजोर भएको छ । यद्यपी स्टार खेलाडीहरुले भरिएको स्पेनिस टोली बलियो रहेको ज्युवाले स्वीकार गरेका छन् । उनले भनेका छन् कि यो उनीहरुका लागि बलियो प्रतिस्पर्धी हो ।

‘३२ वर्षमा पहिलो पटक हामी नकआउट चरणमा पुगेका छौं ।’ उनले भने, ‘हेर्नुहोला कि हामी के गर्न सक्छौं । हाम्रो लागि यो खेल बक्सिङ फाइटजस्तो हो । एकातर्फ युवा र साहसी व्यक्ति र अर्कोतर्फ अनुभवी सेनानी । हेरौं, कसले जित्छ ।’

‘जुनसुकै टिमले जुनसुकै टोलीलाई हराउने सामर्थ्य राख्छ ।’

ज्युवा स्पेनिस स्टार डिफेण्डर सर्जियो रामोस र जेरार्ड पिकेलाई कमजोर बनाउन केन्द्रित रहनेछन्, तर, उनले बुझेका छन् कि त्यो काम सहज छैन । उनले समूह चरणमा स्पेनको संघर्ष पनि बुझेका छन् ।

मलाई लाग्दैन कि स्पेन कमजोर टिम हो, उनीहरु एक शीर्ष टोली हुन् । समूह चरणमा भएका कमजोरी गणना हुँदैन ।’ उनले भने, ‘हामीलाई थाहा छ कि स्पेनबिरुद्ध हामीले के गर्नुपर्छ । तर, निश्चित रुपमा उनीहरु मुख्य दावेदार हुन् । यो निकै कठिन खेल हुनेछ । उरुग्वेले हामीलाई एउटा राम्रो सवक सिकाएको छ ।’

रुसले लुज्निकी रंगशालामा विश्वकपको सुरुआती खेल साउदी अरवसँग खेलेको थियो । घरेलु दर्शकलाई मन्त्रमुग्ध बनाउँदै रुसले ५–० गोलले खेल जितेको थियो । स्पेनिस मिडफिल्डर मार्को एसेन्सियोले भनेका छन् कि आइतबारको खेल पनि घरेलु दर्शकमाझ निकै शानदार हुनेछ ।

उनले प्रशिक्षक फर्नाण्डो हेइरोको प्रोत्साहनको खुलेर प्रशंशा गरे । रियल मड्रिडका स्ट्राइकर एसेन्सियोले भने, ‘हामीसँगको खेलमा रुसको पछाडि उनीहरुका समर्थक हुनेछन् । हामी यस्तो म्याच खेल्न गइरहेका छौं, जुन फाइनल जस्तै हुनेछ । हामी कि जित्छौं, कि घर फर्कन्छौं ।’

‘हाम्रा प्रशिक्षक हेइरो उत्कृष्ट लिडर हुन् । उनले हामीलाई हरेक समय प्रेरित गरिरहेका छन् ।’

रुसले शुक्रबार पूर्ण टोलीका साथ प्रशिक्षण गरेको थियो । जहाँ एलन जागोभ पनि सामेल थिए । जो, साउदी अरवबिरुद्धको खेलमा मात्र २४ मिनेटमै चोटका कारण बाहिरिएका थिए ।प्लेयर्स टू वाच

डिएगो कोष्टा, स्पेन

एथ्लेटिको मड्रिडका स्ट्राइकर डिएगो कोष्टाले विश्वकपमा ३ गोल गरिसकेका छन् । पोर्चुगलबिरुद्धको खेलमा शानदार दुई गोल गरेका उनले इरानबिरुद्ध एक गोल गरेका थिए । रुसबिरुद्धको आजको खेलमा उनी रंगशालाभर रहेका रुसी समर्थकलाई चुप गराउन उपयुक्त मौकाको खोजीमा हुनेछन् ।

इगर अकिनफिभ, रुस

रुसी क्लव सिएसकेए मस्कोभाका गोलरक्षक अकिनफिभले जारी विश्वकपमा आफूलाई प्रमाणित गर्न सकेका छैनन् । तर, स्पेनको शक्तिशाली आक्रमणको डटेर सामना गर्न उनले सर्वश्रेष्ठ प्रदर्शन गर्नु जरुरी हुन्छ ।

म्याच फ्याक्ट्स

– सोभियत संघ टुक्रिएपछि रुसले स्पेनलाई अहिलेसम्म हराउन सकेको छैन । २ बराबरी र ४ हार व्यहोरेको छ । पछिल्लो समय दुई टोलीले नोभेम्बर २०१७ मा ३–३ गोलको बराबरी खेलेका थिए ।

– स्पेन पछिल्लो २३ खेलदेखि अपराजित छ (१५ जित र ८ बराबरी) । जुन, विश्वकपमा सहभागी ३२ टोलीमध्ये सबैभन्दा धेरै हो । उसले सन् २०१६ को युरोकपको नकआउट चरणमा इटलीसँग २–० ले पराजित भएयता एउटा खेल पनि हारेको छैन ।

–सन् २००६ को विश्वकप यता स्पेनले खेलेका ३३ मध्ये ३२ खेलमा बल पोजिसनमा विपक्षीलाई पछि पारेको छ । सन् २००८ को युरो फाइनलमा भने उसलाई जर्मनीले पेलेको थियो ।

– रुसले समूहको अन्तिम खेलमा उरुग्वेबिरुद्ध मात्र ३ शट प्रहार गर्न सकेको थियो । सन् १९९४ यता घरेलु टोलीले गरेको सबैभन्दा थोरै आक्रमण हो यो । त्यतिबेला अमेरिकाले ब्राजिलबिरुद्ध पनि ३ शटमात्र प्रहार गर्न सकेको थियो ।

– सन् २०१० को फाइनलमा नेदरल्याण्ड्सलाई हराउन विजयी गोल गरेका स्पेनिस स्टार मिडफिल्डर आन्द्रेस इनिएष्टाले त्यसयताका सबै ठूला प्रतियोगितामा गरी ३२ शट प्रहार गरेका छन्, तर गोल गर्न असमर्थ छन् ।

 

  • न्युज

न्युज

ट्रम्प पुटिनको पक्षमा आफ्नै देशको गुप्तचर संस्थालाई छाडे -एफबीआईले सार्वजनिक गरेको विवरण गलत

कुनै मुलुकको राष्ट्रप्रमुखका लागि आफ्नो देशको गुप्तचर विभाग निकै महत्वपूर्ण हुन्छ । यद्यपि अमेरिकी राष्ट्रपति डोनाल्ड...

कतार एयरवेजद्वारा २०१८ फिफा विश्वकप विजेता फ्रान्सलाई बधाई

फिफाको आधिकारिक पार्टनर तथा आधिकारिक एयरलाइन कतार एयरवेजले २०१८ फिफा विश्वकप रुसको विजेता फ्रान्सलाई उत्कृष्ट विजयको...

नबिल बैंकका एकैपटक १२ नयाँ शाखा संचालनमा

नबिल बैंकले एकै पटक १२ वटा शाखा संचालनमा ल्याएको छ । बैंकले कर्णाली प्रदेश तथा प्रदेश...

पत्रकारलाई भत्ता,प्रेस काउन्सिल खारेज हुने

सरकारले जेष्ठ पत्रकारहरुको जीवन निर्वाह भत्ताका लागि अक्षयकोष स्थापना गरेको छ । साथै सरकारले प्रेस काउन्सिललाई...

तनहुँको ऐतिहासिक नगरी बन्दीपुरमा केबुलकार निर्माण गरिने

तनहुँको ऐतिहासिक नगरी बन्दीपुरमा केबुलकार सञ्चालन गरिने भएको छ । आर के बी रियल स्टेट एण्ड...