स्कोडाले २० प्रतिशत बिक्री बढाउने

  • admin February 6, 18 12:51 pm
  • Comments
  • 102 Views

चेक अटो उत्पादक कम्पनी स्कोडा मोटरले भारतीय बजारमा आफ्नो उपस्थिति थप मजबुत बनाउने योजना बनाएको छ । कम्पनीले यो वर्ष आफ्ना सवारीको बिक्री २० प्रतिशतले बढाएर करिब २० हजार कार बिक्री गर्ने लक्ष्य सार्वजनिक गरेको छ । स्कोडाले गत वर्ष आफ्ना सवारीको बिक्री ३० प्रतिशतले गरेर १७ हजार ५ सय पुराएको थियो । कम्पनीले ल्याएको ¥यापिड, अक्टिभा र अक्टिभा आरएसको परिमार्जित भर्सनले थप सहयोग पुग्ने विश्वास लिएको छ ।
त्यस्तै कम्पनीले यो वर्ष कोडिक एसयूभी ठूलो संख्यामा बजारमा ल्याउने भएको छ । स्कोडाले २०१७ को अक्टोबरमा कोडिक प्रिमियम एसयुभी भारतीय बजारमा ल्याएको थियो । गएको वर्ष कम्पनीका लागि निक्कै सुखद रहेको स्कोडा अटो इन्डियाका सेल्स, सर्भिस र मार्केटिङका निर्देशक आशुतोश दिक्षितले बताए । समग्र भारतीय अटोमोबाइल बजार यो वर्ष ६ देखि ८ प्रतिशतले वृद्धि हुने प्रक्षेपण गरिएकोमा स्कोडाले भने गर्न वर्षको अवस्थालाई हेरेर दोहोरो अंक मात्र नभइ १५ देखि २० प्रतिशतको वृद्धि लक्ष्य राख्नु त्यति अस्वभाविक नभएको दिक्षितको भनाइ छ । गत वर्ष स्कोडाको बिक्री बढ्नुमा अक्टोबरमा सार्वजनिक भएको कोडिक पनि कारक हो । कोडिकका लागि यो वर्ष नै पहिलो वर्ष हुने भएकाले यसको बिक्रीको प्रभाव स्कोडाको समग्र बजार हिस्सामा राम्रै देखिने विश्वास कम्पनीले लिएको छ ।
स्कोडाले आफ्ना डिलर पार्टनरसहित सेल्स नेटवर्क विस्तारका लागि पछिल्लो दुई वर्षमा १ सय करोड भन्दा बढी भारतीय रुपैयाँ पूर्वाधारमा लगानी गरि सकेको जनाएको छ । हाल भारतमा स्कोडाको डिलरसिप ६८ वटा रहेको र यो वर्षको अन्त्यसम्ममा यो संख्यालाई ७५ मा पुराउने जनाएको छ ।

  • न्युज

न्युज

सुन मूल्य तोलामा ३०० रुपैयाँले घट्यो

बिहिबार सुनको मूल्य प्रतितोला ५७ हजार ७०० रुपैयाँ कायम भएको छ । बुधबारको तुलनामा सुन तोलामा...

आज प्रधानमन्त्री ओली र चिनियाँ समकक्षीबीच भेटबार्ता

चीन भ्रमणमा रहेका प्रधानमन्त्री केपी ओलीले आज बिहीबार समकक्षी चिनियाँ प्रधानमन्त्री लि खछ्याङसँग भेटवार्ता गर्ने भएका...

आज प्रदेश नं ५ मा बजेटमाथिको सैद्धान्तिक छलफल सकियो

प्रदेश नं. ५ मा आव २०७५÷०७६ का लागि राजश्व र व्ययको अनुमान बजेटमाथिको सैद्धान्तिक छलफल आज...

हिजोदेखि जनरल ईन्स्योरेन्सद्धारा कारोबार सुरु

नेपाली बीमा बजारमा नयाँ ईन्स्योरेन्स कम्पनी जनरल ईन्स्योरेन्स कम्पनी नेपाल लिमिटेडले आफ्नो कारोबार सुरु गरेको जनाएको...

काठमाडौंको न्यूरोडमा ओम डेभलपमेन्ट बैंकको शाखा विस्तार

काठमाडौंको न्यूरोडमा ओम डेभलपमेन्ट बैंकको शाखा विस्तारमा ल्याएको छ । नेपाल राष्ट्र बैंकका डेपुटी गभर्नर शिवराज...