स्टिलको मागमा कुनै स्थिरता नै छैन

  • admin January 22, 18 5:52 am
  • Comments
  • 433 Views

आनन्द नेपाल  निर्देशक
जगदम्बा स्टिल्स प्रा. लि.

सामान्यतयः नेपालमा डि–फर्म ३०० ग्रेड, टोर अथवा कोल्ड टुष्टिङबार ४१५ ग्रेडका मात्र छन् । तर राइनो ५०० डि नामको डण्डी ५०० ग्रेडको हो । यसमा प्रयोग गरिने संमिश्रणको मात्रा अरु भन्दा फरक र विशेष हुन्छ । जसका कारण डण्डी बढी बलियो, शुद्ध र लचकदार हुने गर्छ ।

 

नेपालमा हरेक निर्माण सामग्रीको बजार बढेको देखिन्छ यस क्रममा छड तथा डण्डीको अवस्था के छ ?

पक्कै पनि भूकम्प पछिको पुर्ननिर्माणको क्रममा निर्माण सामाग्रीको बजार बढेको छ । वार्षिक ११ टनको माग भएको डण्डीको प्रयोग आवसिय भवनहरु भन्दा पनि विकास निर्माणका आयोजनामा बढेको देखिन्छ । यसको अर्थ आवासिय भवनहरुमा चै छैन भन्न खोजेको होइन । भूकम्पका कारण अति प्रभावित १४ जिल्लालगायत अन्य ठाउँमा पनि घर निर्माणको काम अगाडि बढेका छन् ।

विकास निर्माणको कुरा गर्नु भयो यस्ता गतिविधिले बजारलाई उत्साहित बनाएको छ ?
बजारको माग अनुसार वार्षिक ८ प्रतिसतले माग थपिने विश्लेषण छ । विकास निर्माणको गतिमा कुनै किसिमको अवरोध नहँुदा यो ढंगले बृद्धि हुने हो । अन्यथा यसमा भर पर्न सकिदैन । कुनै किसिमको बन्ध हड्तालले पनि निर्माण उद्योगलाई नै प्रभाव पार्ने हो । यसर्थ रिक्स छैन भन्न सकिदैन । बिज्नेस हो रिक्स लिन त सक्नु पर्छ ।

                                         तर डण्डी उत्पादन गर्ने कम्पनीहरुको संख्या त बढ्दै छन् ?
हो । डण्डी उत्पादन गर्ने कम्पनीहरुको संख्या त थपिदै छ । नयाँ ७ – ८ वटा नयाँ कम्पनीले शुरु गर्दै छन् । यस्तै उत्साह अरुण तश्रो आयोजना शुरु हुन्छ कि भन्ने समयमा पनि भएको थियो । तर विभिन्न कारणले शुरु गर्न सकेनन् । अहिले शुरु गर्ने तरखरमा छन् । त्यो राम्रो हो तर बजारमा मागको अवस्था के हुने नहुने कुरामा पनि ध्यान दिनु पर्ने देखिन्छ ।

तपाईको अर्थ, नयाँका लागि बजार हुन सक्दैन भन्ने हो ?
म त्यसो भन्दिन । बजार विस्तार होला तर ठूलो लगानी छिट्टै असुली हुने गरी हुनेमा चैं शंकै छ । किन भन्नु हुन्छ भने, भूकम्पका कारण डण्डीको माग जुन भोलुममा बढेको छ । सधै यस्तै रहदैन । भोलुममा उत्पादन गर्न सकेका छैनन् । इन्धन, म्यानपावर तथा अन्य विभिन्न कारणले भैरहेको उद्योगले पूर्णमात्रामा उत्पादन गरेका छैनन् । यसको अर्को कारण माग पनि हो । नेपालमा स्टिलको मागमा कुनै स्थिरता छैनन् ।

अहिले नेपालको बजारमा भारतीय डण्डी धेरै तिर देख्न पाइन्छ तर, तपाई नेपाली उद्योगीलाई निरास हुने कुरा गर्नु हुन्छ ?
मैले आफ्नो विचार भन्दैमा कोही निरास हुनु पर्दै जाने बुझेको कुरा भनेको हो । भूकम्पका कारण सिर्जित नेपालको निर्माण बजारमा वार्षिक ११ लाख टन स्टिलको माग छ । जगदम्वा लगायत अहिले भैरहेका नेपालका स्टिल उद्योगको उत्पादन क्षमता १६ लाख टन प्रति वर्ष छ । यहाँ बुझ्नु पर्ने कुरा के हो भने, भूकम्पका कारण सिर्जित नेपालको निर्माण बजारमा स्टिलको माग अब आउँदो वर्षमा पनि यहि होला ? विचारणीय कुरा नै यहि हो । अहिले भारतबाट धेरै आयत भएको देखेर बजार ठूलो छ भन्नु चैं भ्रमपूर्ण हुनेछ ।

अब जगदम्बाको प्रसंगमा कुरा गरौं, जगदम्बाले भूकम्प पछि कस्तो डण्डीको उत्पादनलाई जोड दिएको छ ?
जगदम्बा स्टिल्सको बिषयमा भन्नु पर्दा, नेपालमा उत्पादित डण्डीहरु मध्ये सबैभन्दा बलियो र उत्कृष्ट डण्डी हो । २०७३ सालबाट उत्पादन थालिएको यो उद्योगबाट नेपाल गुणस्तर चिन्ह प्राप्त डण्डीको उत्पादन गदै आएको छ । हाम्रो दावी यो छ कि, यस डण्डीले अन्तराष्ट्रिय मापदण्ड पनि पुरा गरेको छ ।

त्यो कसरी ?
मैले यो बलियो र उत्कृष्ट छ भने । यसको अर्थ के हो भने यो नेपालमा उत्पादन भैरहेको अन्य डण्डी भन्दा बढी ग्रेडको छ । सामान्यतयः नेपालमा डि फर्म ३०० ग्रेड, टोर अथवा कोल्ड टुष्टिङबार ४१५ग्रेडका मात्र छन् । तर हाम्रो राइनो ५०० डि नामको डण्डी ५०० ग्रेडको उत्पादन गरेका छौं । यसमा प्रयोग गरिने संमिश्रणको मात्रा अरु भन्दा फरक र विशेष हुन्छ । जसका कारण डण्डी बढी बलियो, शुद्ध र
लचकदार हुने गर्छ ।

डण्डी बलियो र शुद्ध त हुनै पर्छ तर लचकदार चै किन हुनु प-यो नि ?
हेर्नोस् भूकम्प पछि सबै जना निर्माण सामग्रीप्रति सजग र सचेत भएका छन् । सजग र सचेत उपभोक्तालाई थाहा भएको कुरा हो कि, डण्डीको स्तरियता मापन गर्ने नै लचकतामा हो । तपाईले प्रयोग गर्ने डण्डी कति डक्टिलिटीको हो जान्न पाउनु तपाईको अधिकार हो । यसका लागि इन्जिनियरले पनि सहयोग गर्छन् । लचकताले भारवहनमा कमजोर हुने भ्रम पनि छ । तर खास त्यस्तो होइन । यसले भूकम्प जस्ता ठूला झट्काबाट घरको मुख्य संरचनामा असर पर्नबाट जोगाउँछ ।

  • न्युज

न्युज

ट्रम्प पुटिनको पक्षमा आफ्नै देशको गुप्तचर संस्थालाई छाडे -एफबीआईले सार्वजनिक गरेको विवरण गलत

कुनै मुलुकको राष्ट्रप्रमुखका लागि आफ्नो देशको गुप्तचर विभाग निकै महत्वपूर्ण हुन्छ । यद्यपि अमेरिकी राष्ट्रपति डोनाल्ड...

कतार एयरवेजद्वारा २०१८ फिफा विश्वकप विजेता फ्रान्सलाई बधाई

फिफाको आधिकारिक पार्टनर तथा आधिकारिक एयरलाइन कतार एयरवेजले २०१८ फिफा विश्वकप रुसको विजेता फ्रान्सलाई उत्कृष्ट विजयको...

नबिल बैंकका एकैपटक १२ नयाँ शाखा संचालनमा

नबिल बैंकले एकै पटक १२ वटा शाखा संचालनमा ल्याएको छ । बैंकले कर्णाली प्रदेश तथा प्रदेश...

पत्रकारलाई भत्ता,प्रेस काउन्सिल खारेज हुने

सरकारले जेष्ठ पत्रकारहरुको जीवन निर्वाह भत्ताका लागि अक्षयकोष स्थापना गरेको छ । साथै सरकारले प्रेस काउन्सिललाई...

तनहुँको ऐतिहासिक नगरी बन्दीपुरमा केबुलकार निर्माण गरिने

तनहुँको ऐतिहासिक नगरी बन्दीपुरमा केबुलकार सञ्चालन गरिने भएको छ । आर के बी रियल स्टेट एण्ड...