होण्डाले ल्यायो नयाँ एक्सआर १०९एल

  • admin February 6, 18 12:21 pm
  • Comments
  • 125 Views

काठमाडौं । होण्डा नेपालले बजारमा नयाँ मोटरसाइकल एक्सआर १९०एल औपचारिक सार्वजनिक गरेको छ । नेपाली बजारमा सर्वाधिक बिक्री हुने डर्ट मोटरसाइकल एक्सआर १५०एलको सफलतापछि होेण्डाले आफ्नो अर्को उत्पादन ‘होण्डा एक्सआर १९०एल’ लाई होण्डा बिग मोटरसाइकल वर्गअन्तर्गत थपेको छ ।

यो मोटरसाइकलको सुरुवाती मूल्य ५ लाख ७० हजार रुपैयाँ तोकिएको छ । होण्डाले आफ्नो प्रसिद्ध होण्डा एक्सएल १८५ को उत्तराधिकारीका रूपमा एक्सआर १९० एललाई बजारमा ल्याएको हो । नेपालमा हालसम्म पनि होण्डा एक्सएल १८५ को प्रशंसकहरु बृहत रुपमा रहेको कुरालाई मध्यनजर गर्दै होण्डाले होण्डा एक्सआर १८५ लाई एक्सएल १८५ (१८४.५ सीसी) को आधुनिक रुपान्तरणको रुपमा उत्पादन गरेको हो । फ्यूल–इन्जेक्सन रहेको एक्सआर १९० एल नेपालको पहिलो अफ–रोड मोटरसाइकल हो । फ्यूल–इन्जेक्सन भएको यस मोटरसाइकलले इन्जिनमा चाहिने मात्रामा मात्र इन्धनको आपूर्ति गर्ने गर्दछ, जसले गर्दा यो चिसोमा पनि सजिलै स्टार्ट भई उत्कृष्ट माईलेज र पावर प्रदान गर्दछ । यो मोटरसाइकल ब्याक–अप किक स्टार्टका साथ समेत उपलब्ध छ ।

१ सय २३ किलोग्राम तौल रहेको यो मोटरसाइकल चलाउन निकै सहज छ भने यसको सुरुवाती पिक–अप पनि निकै उत्कृष्ट रहेको छ । फ्यूल इण्डिकेटरका साथ १२ लिटर फ्यूल ट्यांक रहेको यो मोटरसाइकल चलाउँदा अब चालकहरुले आफ्नो साहसिक यात्रामा इन्धनको चिन्ता गर्नु पर्ने छैन । हाई ग्राउण्ड क्लेरेन्स भएता पनि यस मोटरसाइकलको सिट भने सबै उचाइका चालकहरुका लागि उपयुक्त हुने गरी कम उचाइमा नै राखिएको छ । स्पोक्ड रिम, लंग ट्राभल सस्पेन्सन र विश्वासिलो एयर–कुल्ड इन्जिनले यसलाई सम्भवत उत्कृष्ट अफ–रोड मोटरसाइकल बनाएको दाबी कम्पनीको छ । सहज र सरल मर्मत–संभार गर्न सकिने एक्सआर १९०एललाई नेपालको जुनसुकै कुनामा पनि लान सकिने होण्डा नेपालले जनाएको छ । होन्डाका मोटरसाइकल नेपाली बजारमा ज्योती ग्रुप अन्तर्गतको स्याकार ट्रेडिङ आधिकारिक रुपमा भित्र्याउँदै आएको छ

 

  • न्युज

न्युज

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...

सामाजिक मर्यादाविपरित सूचना माग्नु उचित हुदैनः प्रधानमन्त्री ओली

प्रधानमन्त्री केपी शर्मा ओलीले सरकारका सबै निकायलाई लोकतन्त्रको मर्मअनुसार नागरिकको सूचना पाउने हकको सम्मान गर्न आग्रह...