‘ओबोर नेपालका निम्ति अपरिहार्य’

  • admin February 14, 18 8:18 am
  • Comments
  • 181 Views

नेपाल–चीन सम्बन्धका जानकारले चीनको ‘एक क्षेत्र एक मार्ग’(ओबोर) अवधारणा कार्यान्वयन भएपछि नेपालको विकासमा योगदान पुग्ने भएकाले त्यसको अपरिहार्यतामा जोड दिएका छन् ।

नेपाल चीन उद्योग वाणिज्य संघले यहाँ सोमवार आयोजना गरेको ओबोर प्रवद्र्धन तथा नेपाल–चीनबीच सहयोग विस्तार कार्यशालाका सहभागीले विशाल परियोजनाका रुपमा रहेको उक्त अवधारणाबाट विश्वका धेरै मुलुक लाभान्वित हुने बताए ।

परराष्ट्र सचिव शंकरदास वैरागीले अर्थ र परराष्ट्र सचिवस्तरमा गठन भएका उच्चस्तरीय समितिले आपसी लाभका क्षेत्रमा काम गरिरहेको बताए ।

नेपालका लागि चिनियाँ राजदूत यु होङले ओबोर परियोजना कार्यान्वयन गर्न नेपालको नीतिगत समन्वय, पारस्परिक विश्वास अभिवृद्धिका साथै द्विपक्षीय सम्बन्धलाई अनन्तकालसम्म अक्षुण्ण राख्न चीनले सधैँ सहयोग गर्ने प्रतिबद्धता व्यक्त गर्दै नेपालको आर्थिक विकासका निम्ति आवश्यक पर्ने सडक, विमानस्थलजस्ता भौतिक पूर्वाधार निर्माणमा सघाउने चिनियाँ नीतिबारे जानकारी दिए ।

पूर्वराजदूतत्रय मधुरमण आचार्य, हिरण्यलाल श्रेष्ठ र शम्भुराम सिंखडाले ओबोरका विषयमा वैचारिक बहसभन्दा पनि कार्यान्वनको पाटालाई अगाडि बढाउनुपर्नेमा जोड दिए । संघका अध्यक्ष राजेशकाजी श्रेष्ठले जलविद्युत्, कृषि, पर्यटन र पूर्वाधार निर्माण क्षेत्रमा चिनियाँ लगानी आवश्यक छ भन्दै ओबोरले पनि तिनै विषयलाई प्राथमिकतामा राख्नुपर्ने सुझाव दिए । रासस

 

  • न्युज

न्युज

नबिकेपछि सिमेन्ट सित्तैमा

गुणस्तरिय उत्पादन भन्दा पनि बढी एस्पोजर खोज्ने सामान बिक्न छोडे पछि सित्तैमा दिएको उदारण कहिले काही...

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...