किचेनको सुन्दर व्यवस्थापन

  • admin February 25, 18 10:48 am
  • Comments
  • 129 Views

हामी परिवारको साथ आफ्नो अधिकांश समय किचनमै बिताउँछौ । यसर्थ पनि किचेन व्यवस्थित तथा ठूलो होस् भन्ने चाहना हुने गर्छ । यदि घर आफैले बनाएको हो र ठाउँ प्रसस्त छ भने यस्तो चाहना अवश्य पूरा हुन्छ । तर, भाडामा लिएको फ्ल्याट वा साघुँरो घरमा भने भएकै किचेनले चित्त बुझाउन बाध्य भइन्छ । किचेनमा हुने धेरैथरी सामान मिलाएर राख्न सजिलो छैन । झन् सानो किचेनमा सामान व्यवस्थापन गर्नु त चुनौतीपूर्ण नै हुन्छ । किचेनको व्यवस्थित रूपले हाम्रो काम गर्ने विधि र तरीकाको प्रदर्शन पनि गरिरहेको हुन्छ । घरमा आउने जो कोहीको पहिलो प्रभाव नै किचेनमार्फत नै हुने गर्दछ । सानातिना केही उपाय अपनाएर तपाईं सानो किचेनमा धेरै सामान मिलाएर राख्न सक्नुहुन्छ । किचेनको हरेक कुनाकुनाको पूरै उपयोग गर्न सक्नुहुन्छ । यसले गर्दा एकतर्फ तपाईंको किचेन सफासुग्घर देखिन्छ भने अर्कोतर्फ परिवारका सदस्य तथा पाहुनाले तपार्ईंको प्रशंसा गर्नेछन् । किचेनको सरसफाइ वा सामान व्यवस्थापन गर्ने बेला पूरै ध्यान त्यसमै दिनुहोस् । सानो किचेनमा सामान व्यवस्थापन गर्ने केही तरीका यस प्रकार छन्

भित्ताको उपयोग गर्नुस्
भान्सामा प्रयोग हुने सानासाना सामान जस्तै– चम्चा, चक्कु, लाइटर तथा न्यापकिन दराजमा नराख्नुहोस् । यस्ता सामान दराजमा राख्दा काम गर्दा झन्झट हुनुका साथै किचेन पनि अव्यवस्थित देखिन्छ । त्यसैले, यिनीहरूलाई अट्काउन भित्ताहरूमा रहेको खाली ठाउँको प्रयोग गर्नुहोस् ।

ठाउँअनुसार सामान मिलाउनोस्
भान्सा भाँडा तथा अन्य जरुरी वस्तुले भरिएको हुन्छ । हामीलाई कुनै न कुनै समयमा यी सबै वस्तुको आवश्यकता पर्छ । तपाईं आफ्नो सुविधा तथा आवश्यकताका हिसाबले जरुरी वस्तुहरूलाई अगाडि राख्नुहोस् । साथै, कहिलेकाहीँ मात्र प्रयोग गरिने वस्तुलाई पछाडि राख्नुपर्छ ।

धारामुनिको ठाउँ पनि प्रयोग गर्नोस्
हामी प्रायः यस स्थानको मतलब राख्दैनौं । किचेन सफा गर्दा आवश्यक पर्ने वस्तुहरूलाई यस स्थानमा राखेर यसको सही प्रयोग गर्न सकिन्छ । भान्छाको फोहोर राख्न प्रयाग गरिने भाडो पनि यहाँ राख्न सकिन्छ । यी वस्तुहरूलाई ढाक्न तपाईं धाराको तल एउटा ढोका राख्न सक्नुहुन्छ ।

ओभरहेड क्याबिनेटको प्रयोग गर्नोस्
यदि तल राखिएको क्याबिनेटमा पूरै सामान अटेको छैन भने तपाईं माथि भित्तामा पनि क्याबिनेट बनाउन सक्नुहुन्छ । यी साना क्याबिनेटमा दैनिक प्रयोग गरिने सामान राख्न सक्नुहुन्छ । यसले गर्दा सामान निकाल्दा बारम्बार तपाईंलाई निहुरिनु पर्दैन ।

बास्केट तथा होल्डरको प्रयोग गर्नोस्
साना साना सामान राख्नका लागि तपाईं क्याबिनेटभित्र बास्केट तथा होल्डर राख्न सक्नुहुन्छ । बास्केट तथा होल्डरमा अन्य साना सामान, ठूला बोतल, सिसी आदि अड्याएर राख्नुहोस् । यसले गर्दा तिनीहरु सामानको बीचमा हराएर बस्दैनन् । साथै, यिनीहरूलाई खोज्ने समयको पनि बचत हुन्छ ।

फोल्डेबल टेबल
यदि तपाईंको डायनिङ टेबल ठूलो चाहिन्छ तर भान्छामा स्पेस थोरै छ भने पनि फिट गर्न चाहनुहुन्छ भने त्यो सम्भव छ । अहिलेसम्म तपाईंले भित्ताहरुको पुरै प्रयोग गरी सक्नुभएको छ । तर, कुनै भित्ताहरू अझै खाली रहेको हुन सक्छ । तपाईं त्यो भित्तामा फोल्डेबल टेबल, कुर्सी राख्न सक्नुहुन्छ । साथै, एकसाथ बसेर खानाको मज्जा लिन सक्नुहुन्छ ।

 

  • न्युज

न्युज

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...

सामाजिक मर्यादाविपरित सूचना माग्नु उचित हुदैनः प्रधानमन्त्री ओली

प्रधानमन्त्री केपी शर्मा ओलीले सरकारका सबै निकायलाई लोकतन्त्रको मर्मअनुसार नागरिकको सूचना पाउने हकको सम्मान गर्न आग्रह...