तोडिँदै ललितपुरमा यातायात सिन्डिकेट

  • admin May 24, 18 5:43 am
  • Comments
  • 79 Views

बढी आम्दानी गर्नकै लागि निश्चित रुटमा गाडी नचलाउने भाडाका सवारीलाई ललितपुर ट्राफिक प्रहरीले कारवाही प्रक्रिया अगाडि बढाउने भएको छ ।
ललितपुरको गोदावारी क्षेत्रमा चल्ने अधिकांश माइक्रोबसहरुमा गोदावारीदेखि रत्नपार्कसम्म सवारी चलाउने रुट परमिट रहेको छ । तर, उनीहरुले आफ्नो फाइदाका लागि गोदावारीदेखि लगनखेलसम्म मात्र सवारी चलाउने गरेका छन । जसले गर्दा यात्रु हरुले सास्ती भोग्नु परिरहेको छ ।
‘३०–३५ किलोमिटर टाढा रहेको धुलिखेलसम्म एउटै गाडी चल्ने तर रत्नपार्कबाट १६ किलोमिटर मात्र टाढा रहेको गोदावारी पुग्न भने दुईवटा गाडी चल्ने अवस्था छ,’ लतिलपुर ट्राफिक प्रहरीका प्रमुख सीताराम हाछेथुले भने ।
यात्रुहरुको गुनासोपछि सो रुटमा चल्ने सवारीसँग सोधपुछ र चेकजाँच गर्दा अधिकांश भाडाका सवारीसँग रत्नपार्क–गोदावरीको रुट परमिट भएको फेला पारेको हाछेथुले जानकारी दिएका छन ।
यो खुलासासँगै ललितपुर ट्राफिक प्रहरीले परमिट भएका ४७ वटा भाडाका सवारीलाई आइतबारबाट रत्नपार्क–गोदावारी सिधा रुटमा गाडी सञ्चालनमा ल्याउन निर्देशन दिएको छ । अन्यथा ५ हजार रुपैयाँसम्म जरिवाना तिर्नुपर्नेछ ।
हाल गोदावारीबाट रत्नपार्कसम्म जान सर्वसाधारणले दुईवटा गाडी परिवर्तन गर्नुपर्ने अवस्था रहेको छ । उनीहरु गोदवारीबाट लगनखेल आएर लगनखेलबाट अर्को गाडी चढ्नुपर्ने बाध्यता रहेको छ । रत्नपार्कबाट आउँदा पनि यही बाध्यता रहेको छ ।
यसले गर्दा यात्रुले कहिलेकाहीँ आधा घण्टासम्म पर्खनुपर्ने बाध्यता रहेको छ भने सामान बोकेकाहरु, महिला, बृद्धबृद्धा र बालबालिकाहरुलाई समस्या हुने गरेको छ ।

  • न्युज

न्युज

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...

सामाजिक मर्यादाविपरित सूचना माग्नु उचित हुदैनः प्रधानमन्त्री ओली

प्रधानमन्त्री केपी शर्मा ओलीले सरकारका सबै निकायलाई लोकतन्त्रको मर्मअनुसार नागरिकको सूचना पाउने हकको सम्मान गर्न आग्रह...