श्रीमानले श्रीमतीको एटिएम प्रयोग गर्दा ….

  • admin June 14, 18 6:23 am
  • Comments
  • 74 Views

एटिएम कार्डको प्रयोगमार्फत आपतकालिन संकट टार्नु भएको होला । तर अब सजग हुनु पर्ने भएको छ । तपाईले पैसा झिक्न एटिएम कार्ड प्रयोग गर्नु भयो, पैसा निस्किएन तर खाताबाट काटियो भने पनि तपाईको उजुरीको सुनुवाई नहुन सक्छ । भारतीय अनलाइन समाचार फस्ट पोष्टका अनुसार नझिकेको पैसा नकटाउन उपभोक्ता अधिकार समाज हुदै अदालतसम्म पुग्दा पनि उजुरीमाथि सुनुवाई नै भएन ।

घटनाअनुसार, भारत बेंलोरकी बन्दनाले २०१३ नोभेम्बर १४ का दिन पति राजेश कुमारलाई आफ्नो एटिएम दिएर पैसा झिक्न पठाइन् । राजेशले एटिएमबाट २५ हजार भारु (नेपाली ४० हजार रुपैयाँ) झिक्न खोजे, पैसा आएन तर खाताबाट घट्यो ।

राजेश र बन्दनाले बैंकमा गुनासो गरे । बैंकले एउटाको एटिएम अर्कोले प्रयोग गरेको भन्दै पैसा फिर्ता गर्नै मानेन । बैंकले आफ्नो नियम बताउँदै भन्यो ‘एटिएम कार्ड हस्तान्तरण गर्न मिल्दैन। कार्ड जसको नाममा छ उसले बाहेक अरुले प्रयोग गर्न मिल्दैन ।’

बन्दनाले उपभोक्ता फोरममा मुद्दा पु¥याइन् । स्टेट बैंक अफ इण्डिया (एसबिआइ) ले त्यति गर्दा पनि पैसा दिए तयार भएन । फस्ट पोष्टमा उल्लेख गरेको छ, जब एटिएमबाट पैसा निस्किएन राजेशले बैंकमा फोन गरे । बैंकका कर्मचारीले २४ घण्टाभित्र खातामै रकम जम्मा हुने जानकारी दिएका थिए । जब पैसा आएन अनी उनले उपभोक्ता फोरममा मुद्दा पुर्याएका थिए ।

त्यसपछि बैंकको दावी फेरियो । उसले पैसा झिकिएको दावी गर्यो । धेरै समय लगाएर दुख गरेपछि एउटा सिसिटिभी फुटेज हात पर्यो । त्यहाँ राजेशले एटिएम कार्ड प्रयोग गरेको तर पैसा नझिएको फुटेजमा देखियो । यसपछि जाँच सुरु भयो । जाँच समितिले पैसा झिक्दा कार्डधारक ब्यक्ति फुटेजमा नदेखिएको भन्दै गुनासोलाई खारेज गरिदियो ।

कुरा अदालतमा पुग्यो । अदालतले २०१८ मे २९ का दिन फैसला दियो । बन्दनाले आफ्नो कार्ड अरुलाई प्रयोग गर्न दिनु हुँदैन थियो । यदि पैसै चाहिएको भए चेक काट्नु पर्थियो । वा पतिलाई पैसा झिक्न दिएको छु भनेर आधिकारिक पत्र लेख्नु पर्थियो । बन्दनाले केही पनि नगरेकाले अदालतले मुद्दा खारेज गरिदियो ।
यस्ता घटना त नेपालमा भइनै रहे पनि बाहिर आएका वा अदालत समक्ष पुगेका भने छैनन् । पति –पत्नि वा परिवारभित्रैको व्यक्तिको एटिएम प्रयोग गर्दा पनि यस्तै भयो भने पनि पैसा चै डुब्ने सम्भावना उच्च भयो ।

  • न्युज

न्युज

त्रिभुवन अन्तर्राष्ट्रिय विमानस्थललाई ९ अर्ब बजेट

नागरिक उड्डयन प्राधिकरण(क्यान)ले यो वर्षका लागि ४५ अर्ब १७ करोडको बजेट स्वीकृत गरेको छ। देशभरका विमानस्थल...

तीन-चार वर्षभित्रमा गरिबी अन्त्य गर्ने अभियानमा सरकार : अर्थमन्त्री खतिवडा

अर्थमन्त्री डा युवराज खतिवडाले तीन-चार वर्षभित्रमा निरपेक्ष गरिबी अन्त्य गर्ने अभियान सञ्चालन गर्ने बताएका छन् । ...

मेस्सीले अर्जेन्टिनाबाट नखेल्ने

स्पेनिस क्लव बार्सिलोनाबाट व्यवसायिक फुटबल खेलिरहेका अर्जेन्टाइन स्टार लियोनल मेस्सीले आफ्नो देशबाट नखेल्ने भएका छन् ।...

आजबाट टाटा मोटर्स कार मेला सिजन–६ सुरु

टाटा मोटर्सको नेपालका लागि एकमात्र आधिकारिक वितरक सिप्रदी ट्रेडिङ्गले बार्षिक रुपमा आयोजना गर्दै आइरहेको टाटा मोटर्स...

म्याग्दी र मुस्ताङका दुई जलविधुत् आयोजना बन्द

बाढीले बाँधमा क्षति पुर्याएपछि म्याग्दी र मुस्ताङका दुई जलविधुत् आयोजना बन्द भएका छन् । बाढीले असर...