सबै सामग्री रमनमै उपलव्ध हुनेछ

  • admin June 27, 18 10:49 am
  • Comments
  • 22265 Views

देशमा नेता हुन् वा जनता सबैलाई समृद्धिको सपना देख्ने बानी परेको छ । समृद्धि शब्द सुन्न जति सुन्दर र सहज लाग्छ, प्राप्त गर्न त्यति नै चुनौतीपुर्ण । यस्तै चुनौती र जोखिमलाई नै जीवनशैली बनाएका रमन अमेरिकामै रमाउन सक्थे । तर चाहेनन् । १५ वर्षको अमेरिका अनुभव संगालेका रमनलाई विशवास छ अब विकसित मुलुकको हैसियतमा देशलाई पुर्याउन सकिन्छ । “इनोभेटिभ आइडिया”लाई काममा बदल्न रुचाउने रमनसँग होमल्याण्डले गरेको कुराकानी ः

 

प्राविधिक रुपमा तपाई मेकानिकल इञ्जिनियङ पृष्ठभुमि भएको मानिस अमेरिकामा पाएको अवसरलाई छाडेर किन फर्किनु भयो ?

स्वाभाविकै हो, अमेरिकमा मलाई धेरै अवसरहरु आएका थिए । मेकानिकल इञ्जिनियङको पृष्ठभुमि र फाइन्यान्सको पनि ज्ञान भएकाले उधमशीलताको
रहर जाग्यो । समृद्धि लागि उधोगको विकास नै अनिवार्य ठानी नेपाल फर्किएको हँु ।

अहिले नेपालमा व्यवसायमा अवसर र चुनौती दुवै किसिमको कुरा हुने गरेका छन् । तपाईले अमेरिकाबाट फर्किने बित्तिकै कस्तो पाउनु भयो ?
नेपालमै व्यवसाय गर्ने उर्जा बोकेर आउँदा व्यवसायिक बाताबरण केहि फरक हुनु त स्वाभाविकै छ । सबै कुरा सिस्टममा विश्वास गर्न सकिने अवस्था छैन । विशेष गरी मान्छेसँग डिल गर्न गाह्रो छ । किनभने यहाँ मान्छेहरु उत्तर दायी छैनन् । अमेरिकामा सबै सेल्फ मोटिभेटेड पाएँ । उनीहरुको कामप्रति लगाव हुन्छ । त्यसैले उत्पादकत्व समेत उच्च हुन्छ । हाम्रो देशमा पनि उत्पादकत्व बढाउन जरुरी छ ।

सुविधा कम भएकाले पनि कामदारको उत्प्रेरण र उत्पादकत्व कम भएको हो कि ?

सुविधा वा पारिश्रमिक कम भएर उत्पादकत्व कम हुने होइन । यहाँ मान्छेहरुको क्षमता र उत्पादकत्व नै कम छ । उत्पादकत्व कमजोर भयो पारिश्रमिक कम त भइहाल्छ नि । एउटा कम्पनीको मात्रै कुरा गर्दा पनि कसैले कसैलाई पारिश्रमिक आफैंले कमाउने हो । कम्पनीको उत्पादकत्व जति बढ्दै जान्छ, पारिश्रमिक पनि त्यहि अनुपातमा बढ्दै जाने हो ।

अमेरिकाबाट फर्किए पछि तपाई आफ्नो कम्पनीको अवस्थामा छिट्टै निक्कै सुधार गर्र्नु भो भन्ने सुनिन्छ यो कसरी सम्भव भयो ?
पहिला त हाम्रो कम्पनी धेरै सानो थियो । हामी ५० कम्पनी मध्येमा पनि थिएनौ । पछिल्लो चार बर्ष उत्कृष्ट तिनमा छौं । हाम्रो परिवर्तित व्यवस्थापन र का गर्ने नयाँ तरिकाले यहाँ पुर्याएको हो । खासगरी अवसरलाई कसरी गर्ने ? मानव स्रोतसाधनको परिचालन कसरी गर्ने ? भन्ने कुराले नै सफलता दिलाउने हो । यसका टुल्स र टेक्निक सुक्ष्म अवलोकनका साथ गर्नु पर्दछ । जो हामीले गर्यौं ।

यहाँले व्यवसायिक विकासका लागि मेसिनरी साधनमा नै जोड दिनु भयो ?
म फर्केर आउँदा यहाँ काम जति पनि थियो तर काम गर्ने उपयोगी मेसिनहरु थिएनन् । अहिले पनि हामीलाई कामको अभाव छैन । प्रशस्तै छ । बरु हामीले नै सबै काम लिन सकेका थिएनौं । तैपनि यसलाई संस्थागत रुपमा अगाडि बढाउने कोशिश गरिरहें । निर्माण व्यवसायसंगै यसलाई चाहिने मेशिनरी तिर पनि अवसर देखें । त्यसैले तिनलाई नेपालमा आयात गरेर बेच्न थालियो । अहिले नेपाल आर्मी र अरु प्रतिठिष्त निर्माण कम्पनीले पनि ती मेशिनहरु चलाएका छन् ।

नेपालमा अबको समय ने निर्माण लागि स्वार्णयु विशवास गरिन्छ । तर त्यसका लागि त पूर्वाधर पनि त हुनु पर्ला नि ?
हो, हामी ठयाक्कै त्यही कुरालाई सम्बोधन गर्दै छौ । जस्तो कि हामी कुनै प्रजेक्ट त गर्नै पर्छ तर प्रजेक्ट सकाउनको लागि त सामाग्री पनि समयर्मै पाउनुपर्यो । समयमा सकिएन भने नाफामा असर गर्छ । र समग्र उत्पादकत्वमा नै प्रभाव पर्दछ । सबै जनाले सर्बै सामान एकै ठाँउमा किन्दा कस्ट कम पर्छ । अर्को फाइदा समयको पनि बचत हुन्छ । हामी स्टक राख्नेछौं र समयमै उपलब्ध गराउनेछौं । अब निर्माणका लागि सामान कुनुपर्ने छैन । योजना अनुसार ढुक्क काम थाले भयो । सामान पाइहाल्छ नि भन्ने विश्वास दिलाउन सकछौं ।

वन स्टप सोलुसनको अवधारणमा कन्स्ट्रक्सन मार्ट खोल्नुभएको छ । ग्राकलाई के कस्ता सुविधाशहरु उपलब्ध हुन्छन् ?
अहिले नेपालमा मेशिन, उपकरण तथा सामग्रीका लागि धेरै तिर धउनु पर्ने बाध्यता छ । त्यसको समाधानका स्वरुप एकै ठाँउमा उपलब्ध हुने मार्टको अवधारण ल्याइएको हो । यो अवधारणामा काम विश्वमा कतै पनि भएको छैन । एउटा भौतिक पुूर्वाधार बनाउन चाहिने सबै निर्माण सामाग्री एकै ठाँउमा पाउने अवस्था
कहीं छैन । त्यसैले यस्तो अवधारण ल्याइएको हो ।

नेपालमा भएका अवसरलाई परिणममुखी बनाउन सुधार गर्नु पर्ने अन्य पक्ष पनि होलान् ती के के हुन् ?
काम गर्न केही झन्झट छन् । प्रणालीमा काम हुँदैन । बैंकहरुको पनि बुझाइ त्यति राम्रो छैन । उता हरेक काम प्रणालीमा हुन्छ । नेपालको भन्दा अवसर र चुनौती दुवै बढी छन् । किनभने ‘मार्केट स्याचुरेटेड’ छ । प्रतिस्पर्धा पनि उत्तिकै बढी छ । तर नेपालमा अवसर नै बढी छन् । केही नयाँ गरियो वा नयाँ तरिकाले प्रस्तुत गरियो भने ‘अनुसन्धनकर्ता’ भइन्छ । अरु भन्दा अलिकति फरक गरियो भने माथि आइहालिन्छ । नयाँ अवधारणा छ भने नेपालमा अवसर उच्च छ । ब्रान्डिङको अवधारणाले मात्रै पनि नेपालमा व्यवसाय फस्टाउन सक्ने अवस्था छ ।
अब रनर बाइक बारेमा भन्नुस न ।
हामी बाइक व्यवसायमा पहिलेदेखि नै संलग्न थियौं । एउटा राम्रो अवसर आयो । यस्तो अवसर कहिलेकाहिँ आउने हो । त्यसैले लिइहालेका हौं । यो बाइकको ६ वर्ष वारेन्टी छ । यसले हामीलाई आत्मविश्वास बढाएको हो । बंगलादेश र नेपालको संस्कृति पनि मिल्दोजुल्दो छ । रुची पनि समान छ । यसको डिजाइन र लुक्स नेपालीहरुले मन पराउने खालको छ । यसको मूल्य पनि सुपथ छ । सुरुवाती मूल्य झन् सुपथ हुन्छ । ऊर्जा खतप पनि राम्रो छ । सवै ठाउँमा सर्विस र पार्ट पाउने अवस्था सिर्जना गरिएको छ । हाम्रो वितरण नेटवर्क राम्रो छ । १८ ठाउँमा डिलर भइसके । यो वर्ष हामीले ४० सम्म पु¥याउने लक्ष्य लिएका छौं ।

नयाँ काम शुरु गर्दै हुनु हुन्छ ब्रान्डिङलाई कत्तिको महत्व दिनु पर्ने ठान्नुहुन्छ ?
नेपालमा मानिसहरु त्यति धेरै त ब्रान्ड कन्सियस भए जस्तो लाग्दैन । ब्रान्डप्रतिको बुझाइ पनि गलत छ । ब्रान्ड भन्ने बित्तिकै सबै उच्च गुणस्तरीय हुनुपर्छ भन्ने छैन । ब्रान्ड भनेको ‘रिपिटेशन’ हो । त्यसैले हामी स्थानीय ब्रान्ड सिर्जना गर्न सक्छौं । सकेुवा कुरा गरौं न नेपालका हरेक रेस्टुरेण्टमा सेकुवा पाइन्छ । धेरैले मिठो पनि बनाउँछन् होला । तर, सेकुवा भन्नेवित्तिकै कुनैे स्थानीय सेकुवा पसल बुझिन्छ । तर त्यही सेकुवा स्थापित हुनुको कारण गुणस्तर मात्रै होइन, ब्रान्डिङ हो । एउटै ब्राण्डमा धेरै ठाउँमा खुल्ने बित्तिकै ग्राहकले हेर्ने दृष्टिकोणमा फरक आउँछ । अर्को तर्फ विज्ञापन पनि यसैले सिर्जना गर्दै जान्छ । म त धेरै खर्च देख्दिनँ । ब्रान्डिङका लागि धेरै नयाँ अवधारणा ल्याउन जरुरी छैन । एउटै काम गरौं, त्यो हो ‘रिपिटेशन’ । रेस्टुरेण्टकै कुरा गर्दा एक ठाउँ होइन, सोही नाउँमा १० ठाउँ खोल्ने हो । त्यसलाई उचित तरिकारले व्यवस्थापन गर्ने हो । एउटा कुनै व्यवसाय काठमाडौंमा सफल छ भने पोखरा, धरान, चितवनमा पनि हुनुपयो । मान्छेलाई के लाग्छ भने यहाँ पनि रहेछ ! राम्रो सेवा र गुणस्तरको अपेक्षा त्यसपछि जोडिने हो ।

  • न्युज

न्युज

सार्वजनिक सवारी साधनले पालना गरेनन् फोहोर नफाल्ने नियम

छोटो तथा लामो दूरीमा चल्ले बसबाट यात्रा गर्ने क्रममा झ्यालबाट सडकमा पानीका बोतल, चाउचाउ, बिस्कुटका खोल...

नबिकेपछि सिमेन्ट सित्तैमा

गुणस्तरिय उत्पादन भन्दा पनि बढी एस्पोजर खोज्ने सामान बिक्न छोडे पछि सित्तैमा दिएको उदारण कहिले काही...

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...