ब्राजिल र स्विट्जरल्याण्ड विश्वकपको नकआउट चरणमा

• admin June 28, 18 5:54 am
• Comments
• 89 Views

पाँच पटकको च्याम्पियन ब्राजिल र स्विट्जरल्याण्ड फिफा विश्वकप अन्तर्गत समुह ई बाट नकआउट चरणमा प्रवेश गरेका छन् । समुहको अन्तिम खेलमा ब्राजिलले सर्वियालाई दुई शुन्यले हराउदै समुह विजेताका रुपमा अन्तिम १६ मा स्थान पुग्न सफल भएको छ ।

प्रतिस्पर्धात्मक खेलको पहिलो आधा घण्टा ब्रजिलले सर्वियासँग गोल रहित बराबरी खेलेपछि ३६ औं मिनेटमा पउलिन्होको गोल मार्फत पाँच पटकको च्याम्पियन ब्रजिलले अग्रता बनायो । सर्वियाका डिफेन्डरको गल्तिको फाइदा उठाउदै उनले गोल गरे ।
पहिलो हाफमा एक गोलको अग्रता बनाएको ब्राजिलले दोस्रो हाफमा झन आक्रामक फुटबल खेल्यो । दोस्रो हाफको सुरुमा नै दुई वटा सुन्दर मौका पाएको ब्राजिलका लागि नेयमार र फिलिप कोउटिन्हाले मौका खेर फाले । तर ६८ औं मिनेटमा ब्राजिलले अन्तर दुई शुन्यमा पुर्यायो । नेयमारको कर्नरमा थिएगो सिल्भाले हेडर गोल गरे ।
त्यसपछि सर्विया खेलमा फर्कन निकै प्रयास गरेको थियो तर सफल हुन सकेन । उसका स्ट्राइकर मित्रोभिचले दुई पटक डिबक्समा गोलको मौका पाउदा पनि सहि दिशा दिन सकेनन । खेलको अन्तिम १० मिनेटमा ब्राजिलले अरु दुई वटा सुन्दर मौका पाएको थियो । तर असफल बन्यो । अब ब्राजिलले प्रिक्वाटरफाइनलमा मेक्सिकोसँग खेल्नेछ ।