ब्राजिल भर्सेस बेल्जियमः स्टारहरुको जमघट

  • admin July 6, 18 6:19 am
  • Comments
  • 96 Views

आज राति पौने १२ बजे विश्वकपको सेमिफाइनल प्रवेशका लागि रुसको काजान एरिनामा ब्राजिल र बेल्जियम आमने सामने हुँदा स्टारहरुको जमघट हुनेछ । पाँच पटकको विश्वविजेता ब्रजिल नेइमारको प्रेरणामा छ भने चेल्सीका प्लेमेकर इडेन हाजार्डले बेल्जियमको नेतृत्व गर्नेछन् ।

ब्रजिलसँग नेइमारसँगै गाव्रियल जेसस, फिलिप काउटिन्हो, पाउलिन्हो, विलियन, मार्सेलो, थियागो शिल्भा लगायका विश्वस्तरीय खेलाडीले भरिएको शशक्त टिम छ भने हाजार्डका अलावा रोमेलु लुकाकु, केभिन डि ब्रुयेन, भिन्सेन्ट कोम्पानी, ड्राइज मार्टिन, थोमस भर्मालिजस्टार स्टार खेलाडी रहेको ‘डार्क हर्स’ बेल्जियम पनि कम्ति बलियो छैन ।

यो बेल्जियनको गोल्डेन जेनेरेशन हो । र, यो सुनौलो पुस्ता बेल्जियमलाई पहिलो विश्वकप उपाधि दिलाउने अभियानमा छ । सन् १९८६ मा चौथो भएको बेल्जियम त्यसपछि क्वार्टरफाइनलबाट माथि जान सकेको थिएन । त्यसअघि बेल्जियमले समूह चरण पार गर्न सकेको थिएन । ब्राजिलमा भएको अघिल्लो संस्करणमा बेल्जियम क्वार्टरफाइनलमा पराजित भएको थियो ।

यता ब्राजिल छैटौं पटक विश्वकप जित्ने अभियानमा छ । सन् १९९० यता कम्तिमा विश्वकपको क्वार्टरफाइनलमा पुगेको ब्राजिल अघिकांश युवा खेलाडीको भरमा छ र उपाधिको प्रमुख दावेदारको रुपमा हेरिएको छ ।

बेल्जियमका प्रशिक्षक रोबर्टो मार्टिनेजले शुक्रबार हुने ब्राजिलबिरुद्धको क्वार्टरफाइनल खेलमा ‘पावर गेम’को आवश्यकता पर्ने स्वीकार गरेका छन् । त्यसैले उनी मराउन फेलानीलाई सुरुआती टोलीमा राख्ने सम्भावना छ ।

बेल्जियमले जापानबिरुद्धको अन्तिम १६ को खेलमा २–० ले पछि परेको स्थितिलाई उल्टाउँदै ३–२ को जित निकालेको थियो । नसिर चाड्लीले अन्तिम मिनेटमा गरेको खतरनाक काउन्टर एट्याकले बेल्जियम क्वार्टरफाइनलमा पुगेको हो ।

२–० ले पछि परेको स्थितिमा फेलानी र चाड्ली ६५औं मिनेटमा मैदान प्रवेश गरेपछि बेल्जियमको खेल सुधारिएको थियो । उनीहरुले ड्राइज मार्टिन्स र यान्निक कारास्कोलाई प्रतिस्थापन गरेका थिए । दुवै सब्सिच्युडले गोल गर्न सकेपछि मार्टिन्सको ‘प्लान बी’ सफल भएको थियो ।

र, मार्टिनेजले प्रष्ट संकेत गरेका छन् कि फेलानी ब्राजिलबिरुद्ध काजान एरिनामा हुने क्वार्टरफाइनल खेलमा सुरुआती ११ मा पर्नेछन् ।

‘एक प्रशिक्षकका रुपमा मसँग धेरै बिकल्पहरु छन्, र त्यसलाई कतिबेला प्रयोग गर्ने मलाई थाहा छ ।’ प्रशिक्षक मार्टिनेजले भने, ‘हामी बढी फिजिकल हुनुपर्नेछ । तथा, सोमबारकै मानसिकतामा खेल्यौं भने हामी जित्न सक्छौं । हाम्रा अगाडि ठूलो अवसर छ ।’

‘यो हाम्रा खेलाडीका लागि एउटा सपनाको म्याच हो । उनीहरु यही खेल खेल्नका लागि जन्मिएका थिए । स्वभाविक रुपमा हामी जित्न चाहन्छौं, तर, हामीलाई थाहा छ यसमा कति अन्तर छ ।’

यसको विपरित ब्राजिलले मेक्सिकोलाई हराउँदै शशक्त दावेदारिता प्रस्तुत गरिसकेको छ । जहाँ कमाण्डिङ र रचनात्मक फुटबलले ब्राजिल तुफानको रुपमा अघि बढेको छ ।

नेइमार ब्राजिलका चम्किला तारा हुन् । एक गोल र अर्को गोलका लागि पासले के प्रमाणित गर्छ भने खुट्टाको शल्यक्रिया गरेलगत्तैको पहिलो प्रतियोगितामा पनि उनी उस्तै लयमा छन् ।

र पनि, उनी आफ्नो क्षमताको सही उपयोग गर्न सकिरहेका छैनन्, उन उनीबाट फुटबल समर्थकले अपेक्षा गर्छन् । संसारकै सबैभन्दा महंगा फुटबलर नेइमार मेक्सिकन खेलाडी र प्रशिक्षक जुहान कार्लोस ओसोरियोबाट आलोचनाको सामना गर्नुपरेको थियो । उनी रेफ्रीको निर्णयलाई प्रभाव पार्न मैदानमा अस्वाभाविक लड्ने गरेको वा नाटक गर्ने गरेको आरोप खेपिरहेका छन् ।

तर,ब्राजिलका महान खेलाडी रिभाल्डोले आलोचनालाई एउटा कुनामा थन्क्याएर नेइमारले जस्तो खेलिरहेका छन् त्यस्तैलाई निरन्तरता दिन सुझाव दिएका छन् । किनकि नेइमारजस्तो रचनात्मक स्ट्राइकरलाई झेल्न बेल्जियमलाई पक्कै सहज हुनेछैन ।

रिभाल्डोले आफ्नो आधिकारिक इन्स्टाग्राम पेजमा लेखेका छन्, ‘नेइमार, तिमी हमेसा जस्तो खेल्छौ त्यस्तै खेलिराछ । अन्य मुलुकबाट आएका नकारात्मक टिप्पणीको वास्ता नगर किनभने उनीहरु विश्वकपमा छैनन् ।’

‘यदि तिमीलाई ड्रिबल गर्न मन लाग्यो त गर, यदि तिमीलाई फ्लिक गर्नुछ भने गर, तिमीले गोल गर्नुछ भने यस्तो गर्नैपर्छ । तर, तिमीलाई कसैले फल गरेर लडायो भने लड ।’

‘यसअघिका खेलमा जस्तै माथि उठ्नु , र हमेशा फुटबलका साथ मजाक गर्ने बानी जारी राख्नु ।’

ब्राजिलियन प्रशिक्षक टिटेले डिफेन्सिभ मिडफिल्डर कासिमिरोबिना मैदानमा आउँदैछ । उनी दुई पहेँलो कार्डका कारण एक खेल गुमाउनेछन् । त्यस्तै चोटका कारण डग्लास कोष्टाको उपस्थितिमा पनि सन्देह छ ।

प्लेयर्स टू वाच

नेइमार, ब्राजिल

स्वभाविक रुपमा यदि नेइमारले राम्रो खेले भने अवश्य पनि ब्राजिलले राम्रो प्रदर्शन गर्नेछ । पेरिस सेन्ट जर्मेनका शशक्त स्ट्राइकर शानदार स्टार हुन् । मेक्सिकोबिरुद्धको खेलमा उनले आफ्नो लय सही तरिकाबाट पहिल्याएका थिए । निःसन्देह उनी ब्राजिललाई एक अर्को चरणमा पुर्याउनका लागि उत्सुक छन् र उनी बेल्जियमलाई ध्वस्त पार्ने क्षमता राख्छन् ।

केभिन डि ब्रुयेन, बेल्जियम

हुन त मार्टिनेजले ब्राजिलबिरुद्धको खेलमा ‘पावर गेम’को कुरा गरेका छन् । तर, यो पनि याद राख्नुपर्छ कि उनीसँग संसारकै सबैभन्दा निर्णायक मिडफिल्डर छन् । जापानबिरुद्धको शनशनीपूर्ण जितमा ब्रुयेनले डीपमा पुगेर खेलेका थिए जुन रणनीति सफल भएको थियो । कासिमेरो बाहिर रहेपछि ब्राजिलको सेन्ट्रल एरियाको कमजोरीको फाइदा ब्रुयेनले उठाउन सक्छन् ।

म्याच फ्याक्ट्स

– ब्राजिल लगातार सातौं विश्वकप क्वार्टरफाइनल खेल्दैछ । र, उनीहरु सन् २००६ मा फ्रान्स र २०१० मा नेदरल्याण्डसँग गरी २ पटकमात्र पराजित भएका छन् ।

– ब्राजिल पछिल्ला तीन विश्वकपमा युरोपेली टोलीबाट नकआउट भएको छ । सन् २००६ मा फ्रान्स, सन् २०१० मा नेदरल्याण्ड्स र सन् २०१४ मा जर्मनी ।

– रोवर्टो मार्टिनेजको प्रशिक्षणमा इडेन हाजार्ड बेल्जियमको पछिल्लो १८ खेलका १९ गोलमा प्रत्यक्ष सहभागी छन् । उनले १० गोल गरेका छन् भने ९ गोलका लागि अवसर सृजना गरेका छन् ।

  • न्युज

न्युज

नबिकेपछि सिमेन्ट सित्तैमा

गुणस्तरिय उत्पादन भन्दा पनि बढी एस्पोजर खोज्ने सामान बिक्न छोडे पछि सित्तैमा दिएको उदारण कहिले काही...

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...