रसियालाई पेनाल्टी सुटआउटमा पराजित गर्दै क्रोएसिया सेमिफाइनलमा प्रवेश

  • admin July 8, 18 5:35 am
  • Comments
  • 141 Views

क्रोएसिया विश्वकप फुटबलको सेमिफाइनलमा प्रवेश गरेको छ । आयोजक रसियालाई पेनाल्टी सुटआउटमा ४–३ गोलले पराजित गर्दै क्रोएसिया सेमिफाइनलमा पुगेको हो ।

पेनाल्टी सुटआउटमा क्रोएसियाका लागि मार्सेलो ब्रोजोभिक, लुका मोड्रिक, डोमागोज भिडा इभान रकिटिकले गोल गरे । त्यस्तै, क्रोएसियाका लागि माटेओ कोभाकिकले भने पेनाल्टी मिस गरेका थिए ।

रसियाका लागि पेनाल्टी सुटआउटमा एलन जागोएभ, सर्जेइ इग्नाशेभिक र  डेलर कुजियभले गोल गर्न सफल भए । त्यस्तै, फेडर स्मोलोभ, मारियो फेर्नान्डेजले गोल गर्न नसक्दा रसिया पेनाल्टी सुटआउटमा क्रोएसियासँग ४–३ गोलले पराजित भएको हो ।

दुबै टिमले निर्धारित ९० मिनेट र थप गरिएको ३० मिनेटसम्म पनि २–२ गोलको बराबरी खेलेपछि खेल पेनाल्टीमा धकेलिएको थियो ।

डिबक्स बाहिरबाट प्रहार गरेको बललाई मारियो फेर्नान्डेजले खेलको ११५औं मिनेटमा हेडर गोल गर्दै रसियालाई २–२ गोलको बराबरीमा पुर्याएका थिए । यसअघि क्रोएसियाले खेलको १०१ औं मिनेटमा गोल गर्दै अग्रता बनाएको थियो । क्रोएसिया लागि डामागोज भिडाले गोल गर्दै अग्रता दिलाएका थिए ।

रसियाले गोल गरेको ८ मिनेटपछि नै क्रोएसियाले गोल फर्काउँदै बराबरीमा पुर्याएको थियो । डेनिस चेरिशेभले खेलको ३१औं मिनेटमा उत्कृष्ट गोल गर्दै आयोजक रसियालाई १–० गोलको अग्रतामा पुर्याएका थिए । उनले आर्टिम ज्युबाको पासमा शानदार गोल गरेका थिए । चेरिशेभले प्रहार गरेको बल क्रोएसियाका गोलकिपरले ठम्याउनै सकेनन् । खेलको ३९औं मिनेटमा क्रोएसियाका आन्ड्रेज क्रमारिकले हेडर गोल गर्दै खेल १–१ गोलको बराबरीमा पुर्याएका थिए । पहिलो हाफमा दुबै टिमले गोल गर्ने राम्रो अवसर गुमाएका थिए ।

सोचीस्थित फिष्ट रंगशालामा दोस्रो हाफमा भने दुबै टिमले गोल गर्न सकेनन् । गोल गर्ने अवसर एकपछि अर्को दुबै टिमले गुमाएका थिए । निर्धारित ९० मिनेटको समयसम्म दुबै टिमले १–१ गोलको बराबरी खेलेपछि ३० मिनेटको समय थप गरिएको थियो ।

 

  • न्युज

न्युज

नबिकेपछि सिमेन्ट सित्तैमा

गुणस्तरिय उत्पादन भन्दा पनि बढी एस्पोजर खोज्ने सामान बिक्न छोडे पछि सित्तैमा दिएको उदारण कहिले काही...

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...