मौद्रिक नीति सार्वजानिक हुदै

  • admin July 11, 18 7:51 am
  • Comments
  • 97 Views

नेपाल राष्ट्र बैंकले आर्थिक वर्ष २०७५र७६ को मौद्रिक नीति सार्वजानिक गरिदैछ । सरकारले बजेटमा लिएका लक्ष्यहरुलाई सघाउने गरी मौद्रिक नीति प्रस्तुत गरिएको छ । आर्थिक वर्ष २०७५र७६ का लागि विनियोजित बजेटका लक्ष्यलाई सार्थक बनाउने बलियो आधार लिएर आज नयाँ मौद्रिक नीति सार्वजनिक हुँदैछ ।

राष्ट्र बैंकले विनियोजित बजेट, वर्तमान वित्तीय अवस्था र चालू आवको मौद्रिक नीति कार्यान्वयनको सकारात्मक तथा नकारात्मक अवस्थाको विश्लेषणका आधारमा आगामी आवका लागि मौद्रिक नीति सार्वजनिक गर्न लागेको हो । नेपाल राष्ट्र बैंकले आज अपराह्न आगामी आवका लागि नयाँ मौद्रिक नीति सार्वजनिक गर्न लागेको राष्ट्र बैंकका प्रवक्ता नारायण पौडेलले जानकारी दिए ।

आगामी आवको बजेटले ८ प्रतिशतको महत्वकांक्षी आर्थिक वृद्धिदर एवं ६।५ प्रतिशतको मुद्रास्फ्रिति दर कायम गर्ने लक्ष्य राखेको छ । यी लक्ष्यलाई मौद्रिक नीतिले सम्बोधन गर्ने विश्वास लिइएको छ । ‘सरकारको लक्ष्यलाई सफल बनाउनका लागि सघाउने गरी मौद्रिक नीति तयार पारिएको छ,’ गर्भनर डा. नेपालले भने । बजेटले ८ प्रतिशतको आर्थिक वृद्धि हासिल गर्ने लक्ष्य लिएको छ । त्यसलाई सघाउन राष्ट्र बैंकले मुद्रा प्रदायलाई बढाउने नीति लिएको छ । मुद्रास्फितिलाई ६ प्रतिशतमा राख्ने राष्ट्र बैंकको लक्ष्य छ ।

डेपुटी गभर्नर चिन्तामणि शिवाकोटीका अनुसार, राष्ट्र बैंकले वित्तीय क्षेत्रको स्थायित्वका लागि केही नीतिगत व्यवस्था गरेको छ । ‘वित्तीय स्थायित्वका लागि केही कदम चालेका छौं, मूलत मौद्रिक नीतिले उत्पादनशील क्षेत्रको कर्जा प्रवाहलाई जोड दिएको छ,’ शिवाकोटीले भने ।

तरलतामा केही सहजता होस् भनेर राष्ट्र बैंकले अनिवार्य नगद मौजात (सीआरआर) केही घटाएको छ । त्यस्तै, ब्याजदरमा स्थिरता कायम गर्न पनि मौद्रिक नीतिले सम्बोधन गरेको छ । बैंक तथा वित्तीय संस्थाहरुको एउटै संस्थागत निक्षेपकर्ताप्रतिको निर्भरता घटाउन मौद्रिक नीतिले सम्बोधन गरेको छ । अहिले बैंकहरुले कूल निक्षेपको ४५ प्रतिशत संस्थागत निक्षेप लिन पाउँछन् । त्यसको २० प्रतिशत एउटै निक्षेपकर्ताबाट लिन पाउँछन् । राष्ट्र बैंकले यसरी एउटै संस्थाबाट ५ प्रतिशतभन्दा बढी निक्षेप लिन नपाइने व्यवस्था गरेको स्रोतको दाबी छ । गभर्नर डा. चिरञ्जीबी नेपालले र्या्डिशन होटलबाट मौद्रिक नीति सार्वजानिक गर्दैछन् ।

 

  • न्युज

न्युज

नबिकेपछि सिमेन्ट सित्तैमा

गुणस्तरिय उत्पादन भन्दा पनि बढी एस्पोजर खोज्ने सामान बिक्न छोडे पछि सित्तैमा दिएको उदारण कहिले काही...

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...