उत्साहसहित फर्किदै नेपाली क्रिकेट टिम

  • admin August 5, 18 10:10 am
  • Comments
  • 44 Views

पहिलो अन्तर्राष्ट्रिय एक दिवसीय क्रिकेटमा सफलता हासिल गर्दै नेपाली राष्ट्रिय क्रिकेट टोली सोमबार बिहान नेपाल आउँदैछ ।

नेपाली टिम सोमबार बिहान ८ः५० बजे जेट एयरवेजमार्फत त्रिभुवन अन्तर्राष्ट्रिय विमानस्थलमा आइपुग्ने नेपाली क्रिकेट टिमका म्यानेजर तथा टेक्निकल एनालिष्ट रमश शिवाकोटीले जानकारी दिएका छन् ।
नेदरल्याण्ड्समाथि दोस्रो तथा अन्तिम खेलमा एक रनको सनसनीपूर्ण जित हासिल गरेसंगै नेपालले कीर्तिमानी जित हात पारेको थियो ।

साढे ४ महिनाअघि एक दिवसीयको मान्यता  पाएको नेपालले खेलेको पहिलो खेलमा नेदरल्याण्ड्ससंग ५५ रनको हार बेहोरे पनि दोस्रो खेलमा भने फर्ममा फर्किएको हो । विश्वकप नै खेलिसकेको टिमलाई हराउन सजिलो नभए पनि नेपालले नेदरल्याण्ड्सलाई उसकै भूमिमा हराएर नयाँ अध्याय थालेको छ ।

सोमपाल कामी थप अलराउन्डर सावित भएका छन् । उनले दुई खेलमा ४ विकेट लिए भने एकै इनिङमा ६१ रन बनाएर नेपालका तर्फबाट कीर्तिमान रचेका छन् । पारस खड्काले कप्तानी इनिङ खेलेका छन् । उपकप्तान ज्ञानेन्द्र मल्ल पुनः फर्ममा फर्केका छन् ।

रोहितकुमार पौडेल कम उमेरमै एक दिवसीय खेल्ने विश्वकै चौथो खेलाडी बनेका छन् ।

नयाँ अध्यायसहित नेपाल फर्कने टिममा सन्दीप हुने छैनन् । सन्दीप क्यारेबियन प्रिमियर लिग सीपीएल खेल्न वेष्ट इन्डिज (पोर्ट अफ स्पेन) गएका छन् ।

नेपालले नेदरल्याण्ड्ससंग खेल्नुअघि मेरिलीबोन क्रिकेट क्लव एमसीसी सम्मिलित त्रिकोणात्मक टी–२० खेलेको थियो इंगल्याण्डको लर्डस् मैदानमा । नेपाल र नेदरल्याण्ड्स संयुक्त रुपले विजयी भएका थिए ।

युवा चार्मिङ सन्दीप लामिछानेले दुई खेलमा चार विकेट लिएर फेरि विश्वको ध्यान आफूतर्फ खिचेका छन् ।

 

  • न्युज

न्युज

नबिकेपछि सिमेन्ट सित्तैमा

गुणस्तरिय उत्पादन भन्दा पनि बढी एस्पोजर खोज्ने सामान बिक्न छोडे पछि सित्तैमा दिएको उदारण कहिले काही...

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...