रामदेवको कम्पनी पतञ्जलीले बजार गुमाउँदै

  • admin August 10, 18 4:11 pm
  • Comments
  • 11 Views

योग गुरु रामदेवको कम्पनी पतञ्जलीका उत्पादन र बजारहिस्सा पछिल्ला वर्षहरुमा बजार दिग्गजबीच चर्चाको विषय रह्यो ।

एफएमसीजी (फास्ट मुभिङ कन्जुमर गुड्स) बजारमा दबदबा रहेको हिन्दुस्तान युनिलिभरलाई पनि यसले पछार्न सक्ने अनुमान गरिन्थ्यो । आगामी ३ देखि ५ वर्षभित्र पतञ्जलीको टर्नओभर २० हजार करोडदेखि २५ हजार करोड रुपैयाँसम्म पुर्याउनुपर्ने घोषणा गत वर्ष अप्रिलमा स्वयम् रामदेवले नै गरेका थिए ।

तर, उनको महत्वाकांक्षी घोषणा साकार हुन कठिन पर्ने अवस्था उत्पन्न भएको छ ।  गत आर्थिक वर्षमा कम्पनीको टर्नओभर १० हजार करोडमात्रै रह्यो, जुन रकम अघिल्लो आवमै पनि थियो । रेटिङ एजेन्सी क्रेडिट स्विसका अनुसार पतञ्जलीको बढोत्तरीमा ब्रेक लाग्नुका थुप्रै कारण छन् । एजेन्सीले मुख्य कारणमा भारतमा पतञ्जलीले जस्तै आयुर्वेदिक उत्पादन गर्ने अन्य कम्पनीहरु खुल्नु र पतञ्जलीका उत्पादनमा नयाँपन नआउनुलाई मानेको छ । पतञ्जलीले सुरुका दिनमा आफ्ना उत्पादनहरु चिकित्सालयमार्फत् बेच्ने गथ्र्यो । पछि उसले नयाँ वितरक नियुक्त गर्नुका साथै खुद्रा पसलबाट पनि आफ्ना उत्पादन बिक्री गर्ने नीति लियो ।

यहीबीच चिकित्सायलको ‘चेन’ कमजोर बन्यो भने नयाँ नेटवर्क विस्तार पनि सुस्त हुन पुग्यो । अहिले पतञ्जलीको ‘डिस्ट्रिब्युसन नेटवर्क’ हिन्दुस्तान युनिलिभरको प्रतिष्पर्धामा १/३० छ ।  बजारमा पतञ्जलीको विश्वास बढाउने मुख्य वस्तु आयुर्वेदिक फार्मेसी नै थियो । विस्तारै कम्पनीले हर्बल तथा अग्र्यानिक फुडमा हात हाल्यो ।

लोकप्रियता वृद्धिसँगै उसले बिस्कुट, चाउचाउ, टुथब्रसका साथै फ्रोजन भेजिटेबल्स तथा कपडासम्म उत्पादन गर्न थाल्यो । यसको नकारात्मक असर विस्तारै आयुर्वेदिक उत्पादनमा पर्न गएको हुन सक्ने रेटिङ एजेन्सीको अनुमान छ ।

उता, भारतका स्थापित विश्वसनीय कम्पनीहरु कोलगेट तथा हिन्दुस्तान युनिलिभरले पनि ग्राहकको मन जित्ने उद्देश्यका साथ नेचुरल प्रडक्ट बजारमा ल्याइदिए ।

डाबर र कोलगेटले यस्ता उत्पादनमा ठूलो लगानी गरिदिए । डाबर, युनिलिभर, कोलगेटजस्ता कम्पनीबीच ग्राहक तान्न मूल्यमा प्रतिष्पर्धा चल्न थाल्यो । यसले पतञ्जली ओझेलमा पर्न गयो । यसका साथै पतञ्जलीले प्रवद्र्धनात्मक क्रियाकलापमा ध्यान कम दिनु र कम लगानी गर्नुलाई पनि ग्रोथ नहुनुको कारण मानिएको छ ।

 

 

  • न्युज

न्युज

त्रिभुवन अन्तर्राष्ट्रिय विमानस्थललाई ९ अर्ब बजेट

नागरिक उड्डयन प्राधिकरण(क्यान)ले यो वर्षका लागि ४५ अर्ब १७ करोडको बजेट स्वीकृत गरेको छ। देशभरका विमानस्थल...

तीन-चार वर्षभित्रमा गरिबी अन्त्य गर्ने अभियानमा सरकार : अर्थमन्त्री खतिवडा

अर्थमन्त्री डा युवराज खतिवडाले तीन-चार वर्षभित्रमा निरपेक्ष गरिबी अन्त्य गर्ने अभियान सञ्चालन गर्ने बताएका छन् । ...

मेस्सीले अर्जेन्टिनाबाट नखेल्ने

स्पेनिस क्लव बार्सिलोनाबाट व्यवसायिक फुटबल खेलिरहेका अर्जेन्टाइन स्टार लियोनल मेस्सीले आफ्नो देशबाट नखेल्ने भएका छन् ।...

आजबाट टाटा मोटर्स कार मेला सिजन–६ सुरु

टाटा मोटर्सको नेपालका लागि एकमात्र आधिकारिक वितरक सिप्रदी ट्रेडिङ्गले बार्षिक रुपमा आयोजना गर्दै आइरहेको टाटा मोटर्स...

म्याग्दी र मुस्ताङका दुई जलविधुत् आयोजना बन्द

बाढीले बाँधमा क्षति पुर्याएपछि म्याग्दी र मुस्ताङका दुई जलविधुत् आयोजना बन्द भएका छन् । बाढीले असर...