तटबन्ध नहुँदा खेतीयोग्य जमिन बगरमा परिणत

  • admin August 12, 18 3:12 pm
  • Comments
  • 20 Views

बागमती नदीले धार परिवर्तन गरी खेतीयोग्य जमिन कटान गर्नेक्रम नरोकिँदा सर्लाहीको हजरियाका स्थानीय बासिन्दा निराश भएका छन् । जिल्लाको पश्चिमी भेगको हजरिया र राजघाटको सीमामा पर्ने खर्साल घाटबाट दक्षिणतर्फ नदीले यस वर्षमात्रै झण्डै पाँच सय बिघा खेतीयोग्य जमिन कटान गरिसकेको स्थानीय किसानले बताएका छन् ।
बाढी पसेर किसानले लगाएको उखु, बदाम, हर्दीलगायतका बालीनालीमा समेत क्षति पु¥याएको छ । भरपर्दो तटबन्ध नहुँदा नदी बस्ती भएको तर्फ नै सोझिएको स्थानीय महेश बरालले जानकारी दिए । नदी गाउँतर्फ सोझिएको छ, बरालले भने, ‘तत्काल तारजाली र भरपर्दो तटबन्धको व्यवस्था नगरे साविकका हजरिया, मानपुर र सुन्दरपुर चोहर्बा गाउँ जतिबेला पनि डुब्न सक्छ । ’ बाढीकै त्रासले स्थानीयलाई निद्रा लाग्न छाडेको बरालले जनकारी दिए ।
खेतीयोग्य जमिनको कटान रोक्न बरहथवा नगरपालिकाले केही महिनाअघि ३० लाख रुपियाँ खर्चेर खर्सालघाटमा एउटा बे्रकर निर्माण गरेको छ तर बे्रकर निर्माण गरेको ठाउँभन्दा दक्षिणबाट नदीले खेतीयोग्य जमिन बगाइरहेको छ । नदी बस्ती नजिकै आएकाले पानीको बहाव बढेको बेला साविकको हजरिया गाविस वडा नं. १, ३ र ४ का गाउँ डुबानको खतरामा रहेको स्थानीय बताउँछन् ।
बरहथवा नगरपालिका १ हजरियाका वडाध्यक्ष रत्नबहादुर गिरीले तटबन्ध निर्माणका लागि विभिन्न निकायमा पहल गरे पनि बजेट अभाव रहेको बताउने गरिएको गुनासो गरे । तटबन्ध निर्माणका लागि पुग्नुपर्ने सबै ठाउँमा पुगिसक्यौँ, वडाध्यक्ष गिरीले भने, ‘सबैतिरबाट बजेट छैन भन्ने जवाफ मात्रै आउँछ, हामीसँग तटबन्ध निर्माणका लागि पुग्ने बजेट पनि छैन । ’ नदीको विभिन्न ठाउँमा जनताको तटबन्ध कार्यालयमार्फत तटबन्ध निर्माण गरिरहेका ठेकेदारले पक्की तटबन्ध निर्माण गर्नुपर्ने ठाउँमा बोरामा गिट्टी, बालुवा र माटो भरेर थुपारेका वडाध्यक्ष गिरीले बताए ।
सर्लाहीका प्रमुख जिल्ला अधिकारी द्रोण पोखरेलले तटबन्ध निर्माणको कामलाई फटाफट पूरा गराउन सम्बन्धित निकायमा पहल गरिरहेको जानकारी दिए तर आफूलाई पनि बजेट अभाव रहेको जवाफ आइरहेको प्रजिअ पोखरेलले बताए । उनले स्थानीय तहलाई समेत तत्काल मानव बस्तीलाई डुबानबाट जोगाउन अस्थायी तटबन्ध निर्माणको काम गर्न भनेको बताए ।

  • न्युज

न्युज

नबिकेपछि सिमेन्ट सित्तैमा

गुणस्तरिय उत्पादन भन्दा पनि बढी एस्पोजर खोज्ने सामान बिक्न छोडे पछि सित्तैमा दिएको उदारण कहिले काही...

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...