नेपाल–भारत संयुक्त कृषि कार्यसमूहको सातौं बैठक

  • admin August 19, 18 11:18 am
  • Comments
  • 31 Views

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास, प्राङ्गारिक कृषि प्रबद्र्धन, रासायनिक मलको आयात तथा ढुवानीका विषयमा छलफल भएको छ ।

काठमाडौँमा यही असार ३१ र भदौ १ गते सम्पन्न समूहको सातौं बैठकमा खाद्य परीक्षण प्रयोगशालाको प्रमाणपत्रको आपसी मान्यता, क्वारेन्टाइन नाकाको विस्तार र पशुपक्षी विकासका लागि परियोजना सञ्चालन गर्ने विषयमा छलफल भएको जनाइएको छ ।

बैठकमा नेपालमा प्राङ्गारिक कृषिखेती प्रवद्र्धको लागि भारतको तर्फबाट सहयोग गर्न तयार पारिएको विस्तृत खाकामा नेपालका तर्फबाट पेश भएका सुझाव समेटेर भारतीय पक्षबाट अन्तिमरुप प्रदान गरी नेपाली पक्षलाई उपलब्ध गराउने जानकारी गराइएको थियो ।
नेपालबाट भारततर्फ कृषि वस्तु निर्यात गर्न नेपाल भारत सिमामा पर्ने जनकपुरको भिट्टामोड र धनगढीको गौरीफाँटमा क्वारेन्टाइन पोष्ट स्थापना कार्य शुरु भएको भारत पक्षले जानकारी गराइएको कृषि तथा पशुपक्षी विकास मन्त्रालयका प्रवक्ता तेजबहादुर सुवेदीले जानकारी दिए ।
उनका अनुसार बैठकमा कृषि क्षेत्रको थप विकासमा द्विपक्षीय सहयोग र समन्वयलाई जोड दिइएको थियो भने नेपाल तथा भारतका प्रधानमन्त्रीको राजकीय भ्रमणमा भएका कृषिसँग सम्बन्धित सम्झौता र हस्ताक्षरको विषयमा अवगत गराइएको थियो ।
बैठकको नेतृत्व नेपालबाट कृषि तथा पशुपक्षी विकास मन्त्रालयका सहसचिव डा योगेन्द्रकुमार कार्की र कृषि एवं किसान कल्याण मन्त्रालयका सहसचिव निराजा अदिदमले गरेका थिए ।

  • न्युज

न्युज

नबिकेपछि सिमेन्ट सित्तैमा

गुणस्तरिय उत्पादन भन्दा पनि बढी एस्पोजर खोज्ने सामान बिक्न छोडे पछि सित्तैमा दिएको उदारण कहिले काही...

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...