नेपाली टोपी दिवस सम्पन्न,

  • admin January 1, 18 10:05 am
  • Comments
  • 388 Views

अन्तराष्ट्रिय पहिचानका लागि टोपी नै उपयूक्त माध्यम: प्रधानमन्त्री देउवा

१ जनवरी २०१८ को अवसर पारेर पाँचौ अन्तराष्ट्रिय नेपाली टोपी दिवस विभिन्न कार्यक्रम गरी मनाइएको छ ।
शताब्दीऔंदेखि शीर सजाउँदै आएको विभिन्न प्रकारका नेपाली टोपीहरुको प्रयोगलाई संस्थागत गर्ने प्रयास भएको छ । नेपाली टोपीको लोकप्रियतालाई अझै व्यापक र विश्वमय बनाउने तथा नेपालीहरुको राष्ट्रिय र अन्तराष्ट्रिय पहिचानलाई स्थापित गर्ने उद्देश्यले २०१४ जनवरी १ देखि नेपाली टोपी दिवस मनाउदै आएको छ । यहि अवसरमा प्रधानमन्त्री शेर बहादुर देउवाले शुभकामना व्याक्त गर्दै टोपीका माध्यमबाट देश विदेशमा रहेका नेपालीहरुले स्वाभिमानी महशुस गर्न आग्रह गर्नु भयो । नेपालको कला र पहिचानलाई विश्वव्यापी बनाउन टोपी नै उपयूक्त माध्यम भएको उल्लेख गर्नु भयो ।
विगत ४ वर्षदेखि अभियानका रुपमा मात्र रहेको अन्राष्ट्रिय नेपाली टोपी दिवसलाई थप व्यवस्थित र विश्वव्यापी बनाउने उदेश्यले नेपाली टोपी प्रतिष्ठान सामाजिक संस्थामार्फत औपचारिक शुरुवात गरेको थियो । पाँचौ अन्तराष्ट्रिय नेपाली टोपी दिवस मनाउने क्रममा, ‘नेपाली टोपी प्रतिष्ठान’ का तदर्थ समितिका सदस्यहरुले, सम्मानीय प्रधानमन्त्री शेर बहादुर देउवाको प्रमुख आतित्थतामा कार्यक्रम सम्पन्न गरेका छन् । प्रतिष्ठानका पदाधिकारीहरुले प्रधानमन्त्री सचिवालय बालुवाटार पुगी प्रधानमन्त्री शेर बहादुर देउवालाई नेपाली टोपी र मायाको चिनो प्रदान गरेका छन ।
उक्त कार्यक्रममा प्रधानमन्त्री देउवाले संस्थाका सदस्यहरु शंकर बन्जाडे, प्रकाश अधिकारी, भुवन नेपाल, प्रभाकर आचार्य, सन्जिव पुडासैनी र रोशन झालाई नेपाली टोपी लगाई दिनु भएको थियो । यस वर्ष टोपी दिवसलाई थप विश्वव्यापी बनाउन, गैर आवासीय नेपालीहरुको अन्तराष्ट्रिय संगठन एनआएनसँग समन्वय गरेर विश्वका ७८ देशहरुमा पनि विभिन्न कार्यक्रम गरी नेपाली टोपी दिवस मनाइएको छ । नेपाली टोपी प्रतिष्ठानका संस्थापक द्वय डा. लेखनाथ काफ्ले र शंकर बन्जाडेले अन्तराष्ट्रिय रुपमा नेपाली टोपी दिवसको प्रर्वद्धन गदै आइरहनु भएको छ ।

नवगठित संस्थाका अधक्ष्य एवं टोपी दिवसका संस्थापक शंकर बन्जाडे भन्छन, ‘नेपालभित्र र बाहिर बसोबास गर्ने सम्पूर्ण नेपालीहरुले आ–आफ्नो धर्म जाति र संस्कृतिअनुसार पहिरिएका सबै प्रकारका टोपी नेपाली टोपी नै हुन् ।’ नेपाली टोपी, नेपाल र नेपालीमूलका बसोबास गर्ने सबै देश र स्थानहरुमा समग्र नेपालीहरुको साझा र मौलिक पहिचानको चिह्न भएको बताउँदै संस्थाका सचिव प्रकाश अधिकारीले नेपाली टोपी दिवसलाई जनवरी १ तारिकका दिन मनाउनुको प्रमुख उद्देश्य अंग्रेजी नयाँ वर्षलाई नेपाली टोपीमय बनाउनु रहेको जानकारी दिनु भयो । दिवसले नेपाली टोपीलाई नेपालीहरुको अन्तराष्ट्रिय पहिचानका रुपमा स्थापित गराउनेमा टोपी नै उपयूक्त माध्यम भएको सचिव अधिकारीको धारणा रहेको छ । पछिल्ला वर्षहरुमा यस दिवसलाई नेपाल पर्यटन बोर्डले पनि चासोका साथ लिएको छ ।

  • न्युज

न्युज

त्रिभुवन अन्तर्राष्ट्रिय विमानस्थललाई ९ अर्ब बजेट

नागरिक उड्डयन प्राधिकरण(क्यान)ले यो वर्षका लागि ४५ अर्ब १७ करोडको बजेट स्वीकृत गरेको छ। देशभरका विमानस्थल...

तीन-चार वर्षभित्रमा गरिबी अन्त्य गर्ने अभियानमा सरकार : अर्थमन्त्री खतिवडा

अर्थमन्त्री डा युवराज खतिवडाले तीन-चार वर्षभित्रमा निरपेक्ष गरिबी अन्त्य गर्ने अभियान सञ्चालन गर्ने बताएका छन् । ...

मेस्सीले अर्जेन्टिनाबाट नखेल्ने

स्पेनिस क्लव बार्सिलोनाबाट व्यवसायिक फुटबल खेलिरहेका अर्जेन्टाइन स्टार लियोनल मेस्सीले आफ्नो देशबाट नखेल्ने भएका छन् ।...

आजबाट टाटा मोटर्स कार मेला सिजन–६ सुरु

टाटा मोटर्सको नेपालका लागि एकमात्र आधिकारिक वितरक सिप्रदी ट्रेडिङ्गले बार्षिक रुपमा आयोजना गर्दै आइरहेको टाटा मोटर्स...

म्याग्दी र मुस्ताङका दुई जलविधुत् आयोजना बन्द

बाढीले बाँधमा क्षति पुर्याएपछि म्याग्दी र मुस्ताङका दुई जलविधुत् आयोजना बन्द भएका छन् । बाढीले असर...