दशैंंमा हवाई यात्रु करिब एक लाख, जहाज प्रयोगकर्ता ह्वात्तै बढे

  • admin September 28, 17 5:49 am
  • Comments
  • 295 Views

१२ असोज, काठमाडौं । दशैंका समयमा हवाई यात्रु बढ्ने क्रम दुई वर्षयता ह्वात्तै बढेको छ । यसपालिको दशैंमा मात्रै ९६ हजार पाँच सय ५६ जना हवाइमार्गमार्फत् उपत्यकाबाट बाहिरिँदै छन् ।

नारायणगढ-मुग्लिन सडक विस्तारका कारण लथालिंग रहेका कारण हवाईमार्गमा चाप बढेको हो । जहाज संख्या बढे पनि यात्रुको चाप थेगिनसक्नु छ । बढ्दो चाप मध्यनजर गर्दै एयरलाइन्सहरुले उडान संख्या थपेका छन् ।

वायु सेवा सञ्चालक संघका अनुसार गत वर्ष दशैंमा ७० हजार चार सय ३९ यात्रुले हवाइमार्ग प्रयोग गरेका थिए । ०७२ सालको दशैंमा ४१ हजार आठ सय ७४ जनाले मात्र दशैंमा हवाइजहाज प्रयोग गरेका थिए ।

दशैंको समयमा उपत्यका भित्रने यात्रु न्युन हुन्छन्, जसका कारण एयरलाइन्सहरुले काठमाडौं आउने भाडा घटाउँछन् । बाहिरिनका लागि भने टिकट पाउन हम्मे पर्छ ।

उपत्यकाबाट बाहिरिने शतप्रतिशत टिकट बुकिङ भइसकेको बुद्ध एयरकी मार्केटिङ म्यानेजर विनिता थापा बताउँछिन् । भन्छिन्, ‘सुरक्षित यात्रा र समयको बचत हुने गरेका कारण दशैंंमा हवाइ यात्रु बढेका हुन् ।’

जहाजको क्षमता र संख्याका कारण पनि बुद्ध एयरका जहाजबाट बाहिरिने यात्रु बढी छन् । दशैंको समयमा ५२ हजार ६ सय ४९ जनाले सोही एयरलाइन्सका जहाज प्रयोग गर्दैछन् । गत वर्ष यो संख्या ४४ हजार पाँच सय ५६ थियो ।

हालै सञ्चालनमा आएको श्री एयरलाइन्सले दशैंमा नौ हजार पाँच सय ७७ जनालाई सेवा दिने आकलन छ ।

ट्रंक रुटमा यती एयरलाइन्सका जहाज पनि भरिभराउ छन् । वर्ष २१ हजार दुई सय ४७ जनाले दशैंमा यतीमा जहाज प्रयोग गर्दैछन् । गत वर्ष यो संख्या १८ हजार तीन सय ६६ थियो । सौर्य र सिमि्रक एयरका जहाज पनि खाली छैनन् ।

तराईका विमानस्थलमा उत्रिने यात्रीका कारण जहाज कम्पनीबीच जहाज थप्ने होड नै चलेको पाइन्छ ।

गत वर्षको तुलनामा यसपालि १० वटा जहाज थपिएका छन्. । त्यससँगै सिट र उडान संख्या पनि बढेको छ । यात्रुको चाप भने उस्तै छ । करिब तीन सय ७० वटा सिट थपिएका छन् । गत वर्षभन्दा यस वर्ष एउटै एयरलाइन्सले एकै स्थानमा चार वटासम्म उडान थपेका छन् ।

  • न्युज

न्युज

लिभरपुलको लगातार दोस्रो जित

इङ्लिस प्रिमियर लिग फुटबलमा लिभरपुलले लगातार दोस्रो जित हात पारेको छ। सिजनको आफ्नो दोस्रो खेलमा लिभरपुलले सोमबार...

जापानी कार कम्पनी निसानले चीनमा ९० करोड डलरको लगानी गर्ने

जापानी कार निर्माता निसानले चीनमा ९० करोड डलर लगानी गर्ने भएको छ। उसले चीनमा आफ्नो नयाँ...

राजनीति कर्मचारी दरबन्दी र मर्यादाक्रमबारे राष्ट्रपतिलाई जानकारी

राष्ट्रपति विद्यादेवी भण्डारीसँग सङ्घीय संसद् तथा सातै प्रदेशका सभामुख र उपसभामुखले प्रदेश सञ्चालनका लागि कर्मचारीको दरबन्दी...

नेपाल–भारत संयुक्त कृषि कार्यसमूहको सातौं बैठक

नेपाल –भारत संयुक्त कृषि कार्यसमूहको बैठकमा कृषि तथा पशुपक्षी क्षेत्रको विकासमा सहकार्य, कृषि अनुसन्धान तथा विकास,...

सामाजिक मर्यादाविपरित सूचना माग्नु उचित हुदैनः प्रधानमन्त्री ओली

प्रधानमन्त्री केपी शर्मा ओलीले सरकारका सबै निकायलाई लोकतन्त्रको मर्मअनुसार नागरिकको सूचना पाउने हकको सम्मान गर्न आग्रह...